13.8C Vancouver 13.8C VancouverNov 9, 2021 8:22 PM - The Canadian Press
ਬੀ.ਸੀ. ਕੋਰੋਨਰਸ ਸਰਵਿਸ ਨੇ ਅਗਸਤ ਅਤੇ ਸਿਤੰਬਰ ਦੇ ਮਹੀਨੇ ਦੇ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਸਾਂਝੇ ਕੀਤੇ ਹਨ।
ਸੂਬੇ 'ਚ ਸਾਲ ਦੇ 8ਵੇਂ ਅਤੇ 9ਵੇਂ ਮਹੀਨੇ ਦੌਰਾਨ 333 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਇਹ ਸੂਬੇ 'ਚ ਲਗਾਤਾਰ 19ਵਾਂ ਮਹੀਨਾ ਹੈ ਜਦ ਓਵਰਡੋਜ਼ ਸੰਬੰਧੀ 100 ਤੋਂ ਵਧੇਰੇ ਮੌਤਾਂ ਰਿਪੋਰਟ ਹੋਈਆਂ ਹਨ।
ਅਗਸਤ 'ਚ 181 ਅਤੇ ਸਿਤੰਬਰ 'ਚ 152 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਹੁਣ ਇਸ ਸਾਲ 9 ਮਹੀਨੇ ਦੇ ਸਮੇਂ ਦੌਰਾਨ ਓਵਰਡੋਜ਼ ਕਾਰਨ ਹੋਈਆਂ ਮੌਤਾਂ ਦੀ ਗਿਣਤੀ 1,534 ਤਕ ਪਹੁੰਚ ਗਈ ਹੈ।
ਸਾਲ 2020 'ਚ ਜਨਵਰੀ ਤੋਂ ਸਿਤੰਬਰ ਮਹੀਨੇ ਵਿਚਾਲੇ 1,240 ਮੌਤਾਂ ਦਰਜ ਹੋਈਆਂ ਸਨ।
ਇਸ ਸਾਲ ਹੁਣ ਤਕ ਓਵਰਡੋਜ਼ ਕਾਰਨ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 'ਚ ਬੀਤੇ ਸਾਲ ਦੇ ਇਸੇ ਸਮੇਂ ਮੁਕਾਬਲੇ 24% ਦਾ ਵਾਧਾ ਦਰਸ਼ਾਉਂਦਾ ਹੈ।
ਇਸ 'ਚ 79% ਮੌਤਾਂ ਪੁਰਸ਼ਾਂ ਨਾਲ ਸੰਬੰਧਤ ਸਨ। ਜਾਨ ਗਵਾਉਣ ਵਾਲਿਆਂ 'ਚ 71% ਲੋਕ 30 ਤੋਂ 59 ਸਾਲ ਦੇ ਦਰਮਿਆਨ ਦੇ ਦੱਸੇ ਗਏ ਹਨ।
ਫੈਂਟਾਨਿਲ ਅਤੇ ਕਾਰਫੈਂਟਾਨਿਲ ਦੇ ਨਸ਼ਿਆਂ ਨੂੰ 84% ਮੌਤਾਂ ਲਈ ਜਿੰਮੇਵਾਰ ਦੱਸਿਆ ਗਿਆ ਹੈ।
ਸਭ ਤੋਂ ਵੱਧ ਮੌਤਾਂ ਵੈਨਕੂਵਰ, ਥਾਂਪਸਨ ਕਾਰੀਬੂ, ਨੌਰਥ ਵੈਨਕੂਵਰ ਆਈਲੈਂਡ ਅਤੇ ਫਰੇਜ਼ਰ ਈਸਟ 'ਚ ਦਰਜ ਹੋਈਆਂ ਹਨ।
ਇਸ ਅੰਕੜੇ ਦੇ ਨਾਲ ਹੁਣ ਬੀ.ਸੀ. 'ਚ ਲਗਾਤਾਰ 9ਵਾਂ ਮਹੀਨਾ ਹੈ ਜਦ ਔਸਤ ਅਨੁਸਾਰ ਹਰ ਰੋਜ਼ 5 ਤੋਂ ਵਧੇਰੇ ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
