16.34C Vancouver 16.34C VancouverMar 22, 2023 7:37 PM - B.C. Govenment
100 ਤੋਂ ਵੱਧ ਲੋਕਾਂ ਅਤੇ ਸੰਸਥਾਵਾਂ ਨੂੰ ਨਸਲਵਾਦ ਨੂੰ ਹੱਲ ਕਰਨ ਅਤੇ ਹਰ ਕਿਸੇ ਲਈ ਵਧੇਰੇ ਨਿਰਪੱਖਤ ਬੀ.ਸੀ. ਬਣਾਉਣ ਦੇ ਯਤਨਾਂ ਲਈ ਇਸ ਸਾਲ ਦੇ ‘ਬੀ.ਸੀ. ਮਲਟੀਕਲਚਰਲਿਜ਼ਮ ਐਂਡ ਐਂਟੀ-ਰੇਸਿਜ਼ਮ ਅਵਾਰਡਜ਼’ ਲਈ ਨਾਮਜ਼ਦ ਕੀਤਾ ਗਿਆ ਹੈ।
"ਬੀ.ਸੀ. ਅਤੇ ਕੈਨੇਡਾ ਵਿੱਚ ਇੰਡੀਜਨਸ (ਮੂਲਵਾਸੀ), ਕਾਲੇ ਅਤੇ ਰੰਗ ਵਾਲੇ ਲੋਕਾਂ ਨੂੰ ਹਰ ਰੋਜ਼ ਨਫ਼ਰਤ ਅਤੇ ਵਿਤਕਰੇ ਨਾਲ ਨੁਕਸਾਨ ਪਹੁੰਚਦਾ ਹੈ," ਅਟਰਨੀ ਜਨਰਲ ਨਿੱਕੀ ਸ਼ਰਮਾ ਨੇ ਕਿਹਾ। "ਮੈਨੂੰ ਉਹਨਾਂ ਅਵਾਰਡ ਜੇਤੂਆਂ ਅਤੇ ਨਾਮਜ਼ਦ ਵਿਅਕਤੀਆਂ ਨੂੰ ਮਾਨਤਾ ਦੇਣ ਵਿੱਚ ਬਹੁਤ ਫ਼ਖਰ ਮਹਿਸੂਸ ਹੋ ਰਿਹਾ ਹੈ ਜੋ ਪ੍ਰਣਾਲੀਗਤ ਨਸਲਵਾਦ ਨੂੰ ਖਤਮ ਕਰਨ ਅਤੇ ਸਾਡੇ ਭਾਈਚਾਰਿਆਂ ਨੂੰ ਹਰੇਕ ਲਈ ਵਧੇਰੇ ਨਿਰਪੱਖ, ਨਿਆਂਪੂਰਨ ਅਤੇ ਬਰਾਬਰ ਬਣਾਉਣ ਲਈ ਕੰਮ ਕਰ ਰਹੇ ਹਨ।"
‘ਬੀ.ਸੀ. ਮਲਟੀਕਲਚਰਲਿਜ਼ਮ ਐਂਡ ਐਂਟੀ-ਰੇਸਿਜ਼ਮ ਅਵਾਰਡਜ਼’ ਦਾ ਆਯੋਜਨ ਬੀਤੀ ਰਾਤ ਵੈਨਕੂਵਰ ਵਿੱਚ ਉਹਨਾਂ ਲੋਕਾਂ ਅਤੇ ਸੰਸਥਾਵਾਂ ਦਾ ਸਨਮਾਨ ਕਰਨ ਲਈ ਕੀਤਾ ਗਿਆ ਜੋ ਨਸਲਵਾਦ ਨੂੰ ਸੰਬੋਧਿਤ ਕਰ ਰਹੇ ਹਨ ਅਤੇ ਆਪਣੇ ਭਾਈਚਾਰਿਆਂ ਵਿੱਚ ਸ਼ਮੂਲੀਅਤ ਨੂੰ ਉਤਸ਼ਾਹਤ ਕਰ ਰਹੇ ਹਨ। 2023 ਦਾ ਇਹ ਸਮਾਰੋਹ ਮਹਾਂਮਾਰੀ ਦੇ ਕਾਰਨ, 2019 ਤੋਂ ਬਾਅਦ ਆਯੋਜਿਤ ਕੀਤਾ ਗਿਆ ਪਹਿਲਾ ਅਜਿਹਾ ਵਿਅਕਤੀਗਤ ਸਮਾਗਮ ਹੈ।
ਆਰਿਆ ਲਾਅ ਬਰਨਬੀ ਦੀ ਇੱਕ 15 ਸਾਲ ਦੀ ਵਿਦਿਆਰਥਣ ਹੈ ਜਿਸ ਨੇ ਆਪਣੇ ਗੁਆਂਢ ਵਿੱਚ ਨਸਲਵਾਦ ਦਾ ਸ਼ਿਕਾਰ ਹੋਏ ਬਜ਼ੁਰਗਾਂ ਪ੍ਰਤੀ ਨਫ਼ਰਤ ਨੂੰ ਹੱਲ ਕਰਨ ਦੇ ਆਪਣੇ ਕੰਮ ਲਈ ‘ਈਮਰਜਿੰਗ ਲੀਡਰ’ ਦਾ ਅਵਾਰਡ ਜਿੱਤਿਆ ਹੈ। ਸੋਸ਼ਲ ਮੀਡੀਆ ਰਾਹੀਂ ਨਸਲਵਾਦ ਵਿਰੋਧੀ ਸੰਦੇਸ਼ਾਂ ਦੇ ਨਾਲ ਬਾਓ ਬੰਜ਼ ਵੇਚ ਕੇ ਉਸਨੇ ਸਥਾਨਕ ਬਜ਼ੁਰਗਾਂ ਅਤੇ ਨੌਜਵਾਨਾਂ ਨੂੰ ਇੱਕ ਸਾਂਝਾ ਆਧਾਰ ਲੱਭਣ ਦੇ ਯੋਗ ਬਣਾਉਣ ਵਿੱਚ ਮਦਦ ਕੀਤੀ ਹੈ। ਉਸ ਦੇ ਅਵਾਰਡ ਦੇ ਹਿੱਸੇ ਵਜੋਂ, ਲਾਅ ਨੂੰ ਉਸ ਦੀ ਪਸੰਦ ਦੀ ਚੈਰਿਟੀ ਲਈ $5000 ਦੀ ਗ੍ਰਾਂਟ ਮਿਲੇਗੀ। ਉਸ ਨੇ ‘ਕੈਨੇਡਾ ਕੇਅਰਿੰਗ ਕਮਿਊਨਿਟੀ ਅਲਾਇੰਸ’ ਨੂੰ ਚੁਣਿਆ ਹੈ, ਜੋ ਕਿ ਇੱਕ ਗੈਰ-ਮੁਨਾਫ਼ਾ ਸੰਸਥਾ ਹੈ ਜੋ ਬਰਨਬੀ ਵਿੱਚ ਨਸਲੀ ਪਿਛੋਕੜ ਵਾਲੇ ਬਜ਼ੁਰਗਾਂ ਨਾਲ ਕੰਮ ਕਰਦੀ ਹੈ।
