16.05C Vancouver 16.05C VancouverDec 28, 2023 6:32 PM - Connect News
ਅਲਬਰਟਾ ਵਿਚ 4 ਲੱਖ ਤੋਂ ਵੱਧ ਲੋਕ ਸਿਹਤ ਸੰਭਾਲ ਸੇਵਾਵਾਂ ਲੈਣ ਲਈ ਲੰਬਾ ਇੰਤਜ਼ਾਰ ਕਰ ਰਹੇ ਹਨ। ਤਾਜ਼ਾ ਰਿਪੋਰਟ ਮੁਤਾਬਕ 415,000 ਲੋਕ ਆਪਰੇਸ਼ਨ, ਡਾਇਗਨੌਸਟਿਕ ਟੈਸਟਿੰਗ ਅਤੇ ਮਾਹਰ ਡਾਕਟਰ ਨੂੰ ਮਿਲਣ ਲਈ ਉਡੀਕ ਕਰ ਰਹੇ ਹਨ।
SecondStreet.org ਦੀ ਰਿਪੋਰਟ ਮੁਤਾਬਕ ਕੈਨੇਡਾ ਭਰ ਵਿਚ ਕੁੱਲ 3.1 ਮਿਲੀਅਨ ਲੋਕ ਇਲਾਜ ਲਈ ਉਡੀਕ ਕਰਨ ਲਈ ਮਜਬੂਰ ਹਨ। ਅਲਬਰਟਾ ਦੀ ਸਥਿਤੀ ਕੁਝ ਸੂਬਿਆਂ ਨਾਲੋਂ ਠੀਕ ਹੈ। ਓਨਟਾਰੀਓ ਵਿਚ 900,000 ਲੋਕ ਉਡੀਕ ਸੂਚੀ ਵਿਚ ਹਨ ਜਦਕਿ ਕਿਊਬੈਕ ਵਿਚ ਇਹ ਅੰਕੜਾ 1,350,000 ਹੈ।
ਰਿਪੋਰਟ ਮੁਤਾਬਕ ਅਲਬਰਟਾ ਵਿਚ ਸਰਜਰੀਆਂ ਲਈ ਉਡੀਕ ਕਰਨ ਵਾਲਿਆਂ ਦੀ ਗਿਣਤੀ ਬੀਤੇ ਸਾਲ ਨਾਲੋਂ 1,000 ਵਧੀ ਹੈ ਜਦਕਿ ਡਾਈਗਨੌਸਟਿਕ ਟੈਸਟਿੰਗ ਕਰਵਾਉਣ ਵਾਲਿਆਂ ਦੀ ਗਿਣਤੀ ਵਿਚ ਲਗਭਗ 6000 ਦਾ ਵਾਧਾ ਹੋਇਆ ਹੈ।
ਰਿਪੋਰਟ ਵਿਚ ਦੱਸਿਆ ਗਿਆ ਕਿ ਉਡੀਕ ਕਰ ਰਹੇ 17,000 ਕੈਨੇਡੀਅਨਜ਼ ਆਪਣੀ ਜਾਨ ਗੁਆ ਚੁੱਕੇ ਹਨ। ਬਹੁਤ ਸਾਰੇ ਲੋਕ ਕਮਰ ਦੀ ਸਰਜਰੀ ਕਰਵਾਉਣ ਲਈ ਲੰਬੀ ਉਡੀਕ ਕਰ ਰਹੇ ਹਨ। ਇਨ੍ਹਾਂ ਲੋਕਾਂ ਲਈ ਦਰਦ ਵਿਚ ਜਿਊਣਾ ਬਹੁਤ ਜ਼ਿਆਦਾ ਮੁਸ਼ਕਿਲ ਹੁੰਦਾ ਹੈ ਕਿਉਂਕਿ ਇਹ ਲੋਕ ਆਪਣੇ-ਆਪ ਉੱਠ-ਬੈਠ ਨਹੀਂ ਸਕਦੇ।
