20.33C Vancouver 20.33C VancouverJan 23, 2021 12:55 AM -
ਕੈਨੇਡਾ ਦੀ ਸਿਹਤ ਮੰਤਰੀ ਪੈਟੀ ਹਾਏਡੂ ਦਾ ਕਹਿਣਾ ਹੈ ਕਿ ਉਹ ਅਜਿਹੇ ਕਨੇਡੀਅਨ ਲੋਕਾਂ ਦਾ ਧੰਨਵਾਦ ਕਰਨਾ ਚਾਹੁੰਦੀ ਹਨ, ਜਿੰਨਾ ਨੇ ਕੋਵਿਡ-19 ਵਿਚਾਲੇ ਕਿਸੇ ਪ੍ਰਕਾਰ ਦੀ ਯਾਤਰਾ ਕਰਨ ਤੋਂ ਬਚਾਅ ਕੀਤਾ ਹੈ।
ਉਨ੍ਹਾਂ ਜਾਣਕਾਰੀ ਦਿੱਤੀ ਕਿ ਬੀਤੇ ਕਰੀਬ ਇੱਕ ਹਫ਼ਤੇ 'ਚ 50,000 ਤੋਂ ਵਧੇਰੇ ਲੋਕਾਂ ਨੇ ਆਪਣੀਆਂ ਫਲਾਈਟਸ ਰੱਦ ਕੀਤੀਆਂ ਹਨ, ਜਾਂ ਆਪਣੀ ਯਾਤਰਾ ਟਾਲ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਸਰਕਾਰ ਵੈਕਸੀਨ ਹਾਸਿਲ ਕਰਵਾਉਣ ਦੇ ਯਤਨਾਂ 'ਚ ਜੁਟੀ ਹੈ।
ਪਰ ਉਨ੍ਹਾਂ ਕਿਹਾ ਕਿ ਲੋਕ ਵੀ ਆਪਣਾ ਯੋਗਦਾਨ ਜਾਰੀ ਰੱਖਣ।
ਪੈਟੀ ਹਾਏਡੂ ਨੇ ਕਿਹਾ ਕਿ ਲੋਕ ਕੋਵਿਡ ਐਪ ਦਾ ਇਸਤੇਮਾਲ ਕਰ, ਮਾਸਕ ਦੀ ਵਰਤੋਂ ਕਰ, ਅਤੇ ਸ਼ਰੀਰਕ ਦੂਰੀ ਬਣਾ ਕੇ ਯੋਗਦਾਨ ਪਾ ਸਕਦੇ ਹਨ।
ਯਾਦ ਰਹੇ ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਸਰਕਾਰ ਵੱਲੋਂ ਅਜਿਹੇ ਕਈ ਆਪਸ਼ਨਸ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ, ਜਿੰਨਾ ਨਾਲ ਕੈਨੇਡਾ ਪਰਤ ਰਹੇ ਲੋਕਾਂ ਲਈ ਵਧੇਰੇ ਵਿਘਨ ਖੜੇ ਹੋ ਸਕਦੇ ਹਨ।
