15.6C Vancouver 15.6C VancouverApr 16, 2021 2:32 AM -
ਬੀ.ਸੀ. 'ਚ ਕੋਵਿਡ-19 ਸੰਬੰਧੀ ਮੌਡਲਿੰਗ ਦੇ ਅੰਕੜੇ ਪੇਸ਼ ਕੀਤੇ ਗਏ ਹਨ।
ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਦੱਸਿਆ ਹੈ ਕਿ ਕੋਵਿਡ-19 ਦੇ ਵੇਰੀਐਂਟਸ ਕਾਰਨ ਵਾਇਰਸ ਦਾ ਟਰਾਂਸਮਿਸ਼ਨ ਅਜਿਹੇ ਪੱਧਰ 'ਤੇ ਪਹੁੰਚ ਗਿਆ ਹੈ, ਜਿੱਥੇ ਇਸੇ ਰਫਤਾਰ 'ਤੇ ਅੱਗੇ ਵਧਿਆ ਗਿਆ ਤਾਂ ਪ੍ਰਤੀ ਦਿਨ ਰਿਪੋਰਟ ਹੋਣ ਵਾਲੇ ਕੋਵਿਡ-19 ਮਾਮਲਿਆਂ ਦੀ ਗਿਣਤੀ 3,000 ਤਕ ਪਹੁੰਚ ਸਕਦੀ ਹੈ।
ਮੌਡਲਿੰਗ ਅੰਕੜਿਆਂ ਅਨੁਸਾਰ ਦੱਸਿਆ ਗਿਆ ਕਿ ਜੇਕਰ ਸੋਸ਼ਲ ਇਕੱਠ ਨਹੀਂ ਵੀ ਕੀਤੇ ਜਾਂਦੇ ਤਾਂ ਵੀ ਬੀ.ਸੀ. 'ਚ ਪ੍ਰਤੀ ਦਿਨ ਰਿਪੋਰਟ ਹੋਣ ਵਾਲੇ ਮਾਮਲੇ 2,000 ਤਕ ਪਹੁੰਚ ਸਕਦੇ ਹਨ।
ਸੂਬੇ 'ਚ 'ਸਰਕਟ-ਬ੍ਰੇਕਰ' ਦੇ ਤੌਰ 'ਤੇ ਲਗਾਈਆਂ ਗਈਆਂ ਪਬੰਦੀਆਂ ਜਾਰੀ ਹਨ ਪਰ ਇਸ ਦਾ ਫਿਲਹਾਲ ਸੰਕ੍ਰਮਣ ਦੀ ਦਰ ਨੂੰ ਘਟਾਉਣ 'ਤੇ ਅਸਰ ਪੈਂਦਾ ਵਿਖਾਈ ਨਹੀਂ ਦਿੱਤਾ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਹਾਲ ਦੀ ਘੜੀ ਸੋਸ਼ਲ ਇਕੱਠਾਂ ਨੂੰ ਘਟ ਤੋਂ ਘੱਟ ਰੱਖਣ ਦੀ ਲੋੜ ਹੈ।
ਰਿਕਾਰਡ ਪੱਧਰ 'ਤੇ ਹਸਪਤਾਲ 'ਚ ਦਾਖਿਲ ਕੋਵਿਡ-19 ਪੀੜਤਾਂ ਦੀ ਗਿਣਤੀ
ਬੀ.ਸੀ. 'ਚ ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ ਦੀ ਗਿਣਤੀ ਰਿਕਾਰਡ ਪੱਧਰ ਤਕ ਪਹੁੰਚ ਗਈ ਹੈ।
ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ ਵੀ 10,000 ਤੋਂ ਪਾਰ ਹੋ ਗਏ ਹਨ।
ਬੀ.ਸੀ. 'ਚ ਕੋਵਿਡ-19 ਦੇ 1,205 ਮਾਮਲੇ ਰਿਪੋਰਟ ਹੋਏ ਹਨ।
ਦੁੱਖ ਦੀ ਗੱਲ ਸੀ ਕਿ 3 ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਬਾਰੇ ਦੱਸਿਆ ਗਿਆ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 116,075 ਤਕ ਪਹੁੰਚ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 1,524 ਹੋ ਚੁੱਕੀ ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 10,052 ਤਕ ਪਹੁੰਚ ਗਏ ਹਨ।
ਕੁੱਲ 409 ਲੋਕ ਹਸਪਤਾਲ 'ਚ ਦਾਖਿਲ ਹਨ ਤੇ ਇਸ 'ਚ 159 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਬੀ.ਸੀ. 'ਚ ਹੁਣ ਤਕ ਕੋਵਿਡ-19 ਵੈਕਸੀਨ ਦੀਆਂ 1,235,863 ਖੁਰਾਕਾਂ ਪ੍ਰਦਾਨ ਕੀਤੀਆਂ ਜਾ ਚੁੱਕੀਆਂ ਹਨ।
