ਪੈਨਡੇਮਿਕ ਬੇਨੀਫਿਟਸ ਦੇ ਲਾਭਾਂ ਨੇ ਬੱਚਿਆਂ ਦੀ ਗਰੀਬੀ ਘਟਾਈ : ਰਿਪੋਰਟ

ਇੱਕ ਨਵੀਂ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ COVID-19 ਲੌਕਡਾਊਨ ਦੇ ਪ੍ਰਭਾਵ ਨੂੰ ਘਟਾਉਣ ਲਈ ਦਿੱਤੇ ਗਏ ਪੇਂਡੇਮਿਕ ਬੇਨੀਫਿਟਸ ਨੇ ਬਾਲ ਗਰੀਬੀ ਦਰ ਨੂੰ ਮਹੱਤਵਪੂਰਣ ਰੂਪ ਵਿੱਚ ਘਟਾ ਦਿੱਤਾ ਹੈ।

ਗਰੀਬੀ ਵਿਰੋਧੀ ਗਰੁੱਪ ਕੈਂਪੇਨ 2000 ਦੇ ਵਿਸ਼ਲੇਸ਼ਣ ਮੁਤਾਬਕ 2020 ਵਿੱਚ 13.5 ਫੀਸਦੀ ਕੈਨੇਡੀਅਨ ਬੱਚੇ ਗਰੀਬੀ ਵਿੱਚ ਰਹਿ ਰਹੇ ਸਨ।

ਇਹ 2019 ਵਿੱਚ 17.7 ਪ੍ਰਤੀਸ਼ਤ ਅਤੇ 20 ਸਾਲ ਪਹਿਲਾਂ 24.2 ਪ੍ਰਤੀਸ਼ਤ ਤੋਂ ਘੱਟ ਹੈ।

ਰਿਪੋਰਟ ਮੁਤਾਬਕ ਫੈਡਰਲ ਸਰਕਾਰ ਦੁਆਰਾ 1989 ਵਿੱਚ ਬਾਲ ਗਰੀਬੀ ਨੂੰ ਖਤਮ ਕਰਨ ਦਾ ਵਾਅਦਾ ਕੀਤੇ ਜਾਣ ਤੋਂ ਬਾਅਦ ਇਹ ਗਿਰਾਵਟ ਸਭ ਤੋਂ ਵੱਡੀ ਗਿਰਾਵਟ ਹੈ, ਅਤੇ ਦੋ ਦਹਾਕਿਆਂ ਵਿੱਚ ਗਰੀਬੀ ਦਰ ਵਿੱਚ ਆਈ ਗਿਰਾਵਟ ਦਾ ਲਗਭਗ ਅੱਧਾ ਹਿੱਸਾ ਹੈ।

ਕੈਂਪੇਨ 2000 ਗਰੀਬੀ ਨੂੰ ਹੋਰ ਘਟਾਉਣ ਲਈ 50 ਸੁਝਾਵਾਂ ਦੀ ਪੇਸ਼ਕਸ਼ ਕਰ ਰਹੀ ਹੈ, ਜਿਸ ਵਿੱਚ ਕੈਨੇਡਾ ਚਾਈਲਡ ਬੈਨੀਫਿਟ ਲਈ ਇੱਕ ਸਪਲੀਮੈਂਟ ਬਣਾਉਣਾ ਸ਼ਾਮਲ ਹੈ ਜੋ ਸਭ ਤੋਂ ਗਰੀਬ ਪਰਿਵਾਰਾਂ ਨੂੰ ਮਦਦ ਕਰੇਗਾ।

ਪਿਛਲੇ ਸਾਲ ਪ੍ਰਕਾਸ਼ਿਤ ਇੱਕ ਸਟੈਟਿਸਟਿਕਸ ਕੈਨੇਡਾ ਦੀ ਰਿਪੋਰਟ ਵਿੱਚ ਇਹ ਵੀ ਉਜਾਗਰ ਕੀਤਾ ਗਿਆ ਸੀ ਕਿ ਕਿਵੇਂ ਪੇਂਡੇਮਿਕ ਬੇਨੀਫਿਟਸ ਨੇ ਆਮਦਨੀ ਦੀ ਅਸਮਾਨਤਾ ਨੂੰ ਘਟਾਉਣ ਵਿੱਚ ਮਦਦ ਕੀਤੀ ਕਿਉਂਕਿ ਘੱਟ ਆਮਦਨੀ ਵਾਲੇ ਪਰਿਵਾਰਾਂ ਨੇ ਆਪਣੀ ਟੈਕਸ ਤੋਂ ਬਾਅਦ ਦੀ ਆਮਦਨ ਨੂੰ ਦੂਜਿਆਂ ਨਾਲੋਂ ਤੇਜ਼ੀ ਨਾਲ ਵਧਦੇ ਦੇਖਿਆ।