17.42C Vancouver 17.42C VancouverJul 29, 2021 4:44 PM -
ਕੋਵਿਡ 19 ਸੰਬੰਧੀ ਪਾਬੰਦੀਆਂ ਵਿੱਚ ਦਿੱਤੀ ਜਾਂ ਰਹੀ ਢਿੱਲ ਕਰਕੇ ਕੈਨੇਡਾ ਦੀ ਬਲੱਡ ਸਪਲਾਈ ਤੇ ਭਾਰ ਪੈ ਰਿਹਾ ਹੈ।
ਅਲਬਰਟਾ, ਬ੍ਰਿਟਿਸ਼ ਕੋਲੰਬੀਆ ਅਤੇ ਸੱਸਕੇਚਵਨ ਵਰਗੇ ਕਈ ਸੂਬਿਆਂ ਨੇ ਹੁਣ ਪਾਬੰਦੀਆਂ ਹਟਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ ਜਿਸ ਕਰਕੇ ਖੂਨ ਦੀ ਮੰਗ ਵੱਧ ਗਈ ਹੈ। ਕੈਨੇਡਿਯਨ ਬਲੱਡ ਸਰਵਿਸਸ ਦੀ ਟ੍ਰੇਸੀ ਸਮਿੱਥ ਦੇ ਮੁਤਾਬਿਕ ਲੋਕਾਂ ਨੇ ਆਪਣੀਆਂ ਆਮ ਗਤੀਵਿਧੀਆਂ ਦੁਬਾਰਾ ਤੋਂ ਸ਼ੁਰੂ ਕਰ ਦਿੱਤੀਆਂ ਹਨ ਅਤੇ ਹਸਪਤਾਲਾਂ ਨੇ ਲੇਟ ਹੋਈਆਂ ਸਰਜਰੀਆਂ ਫੇਰ ਤੋਂ ਸ਼ੁਰੂ ਕਰ ਦਿੱਤੀਆਂ ਹਨ।
ਉਹਨਾਂ ਦਾ ਕਹਿਣਾ ਸੀ ਕਿ ਇਸੇ ਕਰਕੇ ਕੁਝ ਡੋਨੇਸ਼ਨ ਸੈਂਟਰਸ ਅਤੇ ਮੋਬਾਈਲ ਕਲੀਨਿਕਸ ਦੇ ਘੰਟੇ ਵਧਾ ਦਿੱਤੇ ਗਏ ਹਨ।
ਪਰ ਮਹਾਂਮਾਰੀ ਨਾਲ ਸੰਬੰਧਿਤ ਹਿਦਾਇਤਾਂ ਦਾ ਪਾਲਣ ਕੀਤਾ ਜਾ ਰਿਹਾ ਹੈ, ਜਿਵੇਂ ਇੱਕ ਸਮੇਂ ਤੇ ਆਉਣ ਵਾਲੇ ਲੋਕਾਂ ਦੀ ਗਿਣਤੀ ਸੀਮਤ ਰੱਖੀ ਜਾ ਰਹੀ ਹੈ।
16 ਮਹੀਨੇ ਪਹਿਲਾਂ ਖੂਨ ਦੀ ਮੰਗ ਸਰਜਰੀਆਂ ਰੱਦ ਹੋਣ ਕਰਕੇ, ਟ੍ਰੈਵਲ ਘੱਟਣ ਕਰਕੇ ਅਤੇ ਹੋਰ ਕਈ ਕਾਰਨਾਂ ਕਰਕੇ ਘੱਟ ਗਈ ਸੀ।
