12.31C Vancouver 12.31C VancouverAug 26, 2020 3:35 PM -
ਪਾਰਲੀਮੈਂਟਰੀ ਬਜਟ ਆਫਿਸ ਮੁਤਾਬਕ ਫੈਡਰਲ ਸਰਕਾਰ ਵੱਲੋਂ ਅਪਾਹਜ ਵਿਅਕਤੀਆਂ ਨੂੰ ਮੁਹੱਈਆ ਕਰਵਾਇਆ ਜਾਣ ਵਾਲਾ ਵਿੱਤੀ ਸਹਿਯੋਗ $792 ਮਿਲੀਅਨ ਦਾ ਪਵੇਗਾ।
ਇਸ ਰਕਮ ਦਾ ਵੱਡਾ ਹਿੱਸਾ 1.67 ਮਿਲੀਅਨ ਲੋਕਾਂ ਨੂੰ ਲਿਬਰਲ ਪਾਰਟੀ ਵੱਲੋਂ ਉਪਲੱਬਧ ਕੀਤੇ ਜਾ ਰਹੇ $600 ਦੇ ਭੁਗਤਾਨ ‘ਤੇ ਹੋਵੇਗਾ।
ਜਿੱਥੇ ਕੁੱਲ ਲਾਗਤ ਬਾਰੇ ਜਾਣਕਾਰੀ ਇਸ ਸਾਲ ਸਾਹਮਣੇ ਆ ਜਾਵੇਗੀ, ਉੱਥੇ ਹੀ ਬਜਟ ਆਫਿਸ ਵੱਲੋਂ ਇਹ ਚਿਤਾਵਨੀ ਦਿੱਤੀ ਜਾ ਰਹੀ ਹੈ ਕੇ ਇਸ ਖਰਚੇ ਦਾ ਅਸਰ ਆਉਣ ਵਾਲੇ ਲੰਬੇ ਸਮੇਂ ਤੱਕ ਮਹਿਸੂਸ ਹੋਵੇਗਾ।
ਇਸ ਖਾਸ ਭੁਗਤਾਨ ਨੂੰ ਪਾਰਲੀਮੈਂਟ ਵਿੱਚ ਹਰੀ ਝੰਡੀ ਦੇਣ ਵਿੱਚ ਪਹਿਲਾਂ ਜੂਨ ਵਿੱਚ ਉਦੋਂ ਅਸਫਲਤਾ ਹਾਸਲ ਹੋਈ ਸੀ ਜਦ ਲਿਬਰਲ ਸਰਕਾਰ ਕੋਵਿਡ-19 ਲਈ ਪ੍ਰਸਤਾਵਤ ਰਾਹਤ ਬਿੱਲ ਲਈ ਵਿਰੋਧੀ ਧਿਰਾਂ ਦਾ ਸਮਰਥਨ ਹਾਸਲ ਨਹੀਂ ਕਰ ਸਕੀ।
ਕੁਝ ਹਫਤੇ ਬਾਅਦ ਜਦ ਲਿਬਰਲ ਸਰਕਾਰ ਨੇ ਭੁਗਤਾਨ ਦਾ ਦਾਇਰਾ ਫੈਲਾਅ ਵੈਟਰਨ ਲੋਕਾਂ ਨੂੰ ਵੀ ਯੋਗ ਬਣਾਉਣ ਨੂੰ ਮਨਜ਼ੂਰੀ ਦਿੱਤੀ ਤਾਂ ਇਸ ਸੰਬੰਧ ਵਿੱਚ ਆਖ਼ਿਰਕਾਰ ਸਮਝੌਤਾ ਹੋ ਸਕਿਆ।
‘ਓਲਡ ਏਜ ਸਿਕਓਰਿਟੀ ਬੈਨੇਫਿਟ’ ਹਾਸਿਲ ਕਰ ਰਹੇ ਲੋਕਾਂ ਨੂੰ $300 ਅਤੇ ਓ.ਏ.ਐੱਸ. ਅਤੇ ‘ਗਾਰੰਟੀ ਇਨਕਮ ਸਪਲੀਮੈਂਟ’ ਹਾਸਲ ਕਰ ਰਹੇ ਘੱਟ ਆਮਦਨ ਵਾਲੇ ਬਜ਼ੁਰਗਾਂ ਨੂੰ $100 ਦਿੱਤੇ ਜਾਣਗੇ।
