19.25C Vancouver 19.25C VancouverDec 30, 2020 10:26 PM -
ਬੀ.ਸੀ. 'ਚ ਇਸ ਸਾਲ 911 ਦੀਆਂ ਨਿਊਸੈਂਸ ਕਾਲਸ ਦੀ ਯਾਨੀ ਕਿ ਪਰੇਸ਼ਾਨ ਕਰਨ ਵਾਲੀਆਂ ਕਾਲਸ ਦੀ ਸੂਚੀ ਜਾਰੀ ਕੀਤੀ ਹੈ।
ਇਸ ਸੰਬੰਧੀ ਇੱਕ ਸੂਚੀ ਈ-ਕੌਮ ਵੱਲੋਂ ਜਾਰੀ ਕੀਤੀ ਗਈ ਹੈ।
ਸਾਲ 2020 ਦੀਆਂ ਟੌਪ-10 ਨਿਊਸੈਂਸ ਕਾਲਸ ਦੀ ਸੂਚੀ ਵਿੱਚ ਫੂਡ ਡਿਲੀਵਰੀਆਂ ਸੰਬੰਧੀ ਕੀਤੀਆਂ ਕਾਲਸ ਸਭ ਤੋਂ ਉੱਪਰ ਰਹੀਆਂ।
ਇਸੇ ਸੂਚੀ 'ਚ ਦੂਜੇ ਨੰਬਰ 'ਤੇ ਕੋਵਿਡ-19 ਸੰਬੰਧੀ ਲੌਕਡਾਊਨ ਬਾਰੇ ਪੁੱਛੇ ਗਏ ਸਵਾਲ ਰਹੇ।
ਸੂਚੀ ਵਿੱਚ ਤੀਜੇ ਨੰਬਰ 'ਤੇ ਟ੍ਰੈਂਪੋਲੀਨਸ ਦੀ ਕਨੂੰਨੀ ਵਰਤੋਂ ਬਾਰੇ ਪੁੱਛੇ ਗਏ ਸਵਾਲ ਰਹੇ।
ਇਸੇ ਸੂਚੀ 'ਚ ਬੈਂਕਿੰਗ ਕਾਰਡ ਦੇ ਮਸ਼ੀਨ 'ਚ ਫਸ ਜਾਣ ਦਾ ਸਵਾਲ ਵੀ ਸ਼ਾਮਿਲ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਅਜਿਹੀਆਂ ਕਾਲਸ 'ਚ ਕਿਸੇ ਵੀ ਐਮਰਜੈਂਸੀ ਵਾਲੀ ਸਥਿਤੀ ਨਹੀਂ ਸੀ ਅਤੇ 911 'ਤੇ ਅਜਿਹੀ ਕਾਲ ਕਰਨਾ ਜਾਇਜ਼ ਨਹੀਂ ਹੈ।
ਈ-ਕੌਮ ਡਿਸਪੈਚਰ ਮੇਗਨ ਮੈਕਮੈਥ ਦਾ ਕਹਿਣਾ ਹੈ ਕਿ ਐਮਰਜੈਂਸੀ ਲਾਈਨਸ 'ਤੇ ਇਸ ਪ੍ਰਕਾਰ ਦੀਆਂ ਕੀਤੀਆਂ ਕੰਪਲੇਂਟਸ ਨਾਲ ਕਈ ਵਾਰ ਅਸਲ ਐਮਰਜੈਂਸੀਆਂ ਲਈ ਦੇਰੀ ਹੋ ਸਕਦੀ ਹੈ।
