13.56C Vancouver 13.56C VancouverAug 24, 2023 6:29 PM - Connect News
ਹਾਊਸਿੰਗ ਸੰਕਟ ‘ਤੇ ਚਰਚਾ ਕਰਨ ਲਈ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਇਲੀਐਵ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟ੍ਰੂਡੋ ਨੂੰ ਪਾਰਲੀਮੈਂਟ ਦਾ ਸੈਸ਼ਨ ਜਲਦੀ ਸ਼ੁਰੂ ਕਰਨ ਦੀ ਮੰਗ ਕੀਤੀ ਹੈ।
ਤਿੰਨ ਰੋਜ਼ਾ ਲਿਬਰਲ ਕੈਬਿਨੇਟ ਰਿਟ੍ਰੀਟ ਦੇ ਖਤਮ ਹੋਣ ਤੋਂ ਬਾਅਦ ਪੌਇਲੀਐਵ ਨੇ ਹਾਊਸਿੰਗ ਸੰਕਟ ਲਈ ਟ੍ਰੂਡੋ ਨੂੰ ਜ਼ਿੰਮੇਵਾਰ ਠਹਿਰਾਉਂਦੇ ਹੋਏ ਕਿਹਾ ਕਿ ਕੰਜ਼ਰਵੇਟਿਵ ਪਾਰਟੀ ਕੋਲ ਮੌਰਗੇਜ ‘ਤੇ ਵਿਆਜ ਦਰਾਂ ਘਟਾਉਣ ਲਈ ਬਜਟ ਨੂੰ ਬੈਲੈਂਸ ਕਰਨ ਦੀਆਂ ਵਧੀਆਂ ਨੀਤੀਆਂ ਹਨ।
ਟ੍ਰੂਡੋ ‘ਤੇ ਤੰਜ਼ ਕੱਸਦਿਆਂ ਪੌਇਲੀਐਵ ਨੇ ਕਿਹਾ ਕਿ ਹੁਣ ਛੁੱਟੀਆਂ ਖ਼ਤਮ ਹੋ ਗਈਆਂ ਹਨ ਅਤੇ ਹਾਊਸ ਔਫ਼ ਕੌਮਨਜ਼ ਦੀ ਕਾਰਵਾਈ ਦੁਬਾਰਾ ਸ਼ੁਰੂ ਕੀਤੀ ਜਾਵੇ ਤਾਂ ਜੋ ਕੈਨੇਡੀਅਨਜ਼ ਨੂੰ ਘਰ ਦਿੱਤੇ ਜਾ ਸਕਣ।
ਸੈਸ਼ਨ 18 ਸਤੰਬਰ ਨੂੰ ਸ਼ੁਰੂ ਹੋਣਾ ਤੈਅ ਕੀਤਾ ਗਿਆ ਹੈ।
ਕੈਨੇਡਾ ਮੌਰਗੇਜ ਐਂਡ ਹਾਊਸਿੰਗ ਕਾਰਪੋਰੇਸ਼ਨ ਦੇ ਅਨੁਸਾਰ ਹਾਊਸਿੰਗ ਸੰਕਟ ਨਾਲ ਨਜਿੱਠਣ ਲਈ ਕੈਨੇਡਾ ਨੂੰ 2030 ਤੱਕ 5.8 ਮਿਲੀਅਨ ਨਵੇਂ ਘਰ ਬਣਾਉਣ ਦੀ ਲੋੜ ਹੈ, ਜਿਨ੍ਹਾਂ ਵਿੱਚ 20 ਲੱਖ ਰੈਂਟਲ ਯੂਨਿਟ ਸ਼ਾਮਲ ਕੀਤੇ ਜਾਣ ਦੀ ਗੱਲ ਆਖੀ ਗਈ ਹੈ।
