ਕੈਨੇਡੀਅਨ ਸਾਂਸਦ ਵਿੱਚ ਅੱਜ ਪਾਸ ਹੋ ਸਕਦੈ ਇੰਟਰਨਲ ਟਰੇਡ ਨਾਲ ਸੰਬੰਧਿਤ ਮਾਰਕ ਕਾਰਨੀ ਦਾ ਬਿੱਲ ਸੀ-5

ਕੈਨੇਡੀਅਨ ਸਾਂਸਦ ਅੱਜ ਹਾਊਸ ਆਫ ਕਾਮਨਜ਼ ਦੀ ਮੌਜੂਦਾ ਸੀਟਿੰਗ ਸਤੰਬਰ ਲਈ ਉੱਠਣ ਤੋਂ ਪਹਿਲਾਂ ਪ੍ਰਧਾਨ ਮਾਰਕ ਕਾਰਨੀ ਦੇ ਬਿੱਲ ਸੀ-5'ਤੇ ਡਿਬੇਟ ਅਤੇ ਵੋਟ ਕਰਨਗੇ। ਅੰਦਰੂਨੀ ਵਪਾਰ ਤੇ ਵੱਡੇ ਪ੍ਰਾਜੈਕਟ ਨਾਲ ਸਬੰਧਤ ਇਹ ਬਿੱਲ ਕੰਜ਼ਰਵੇਟਿਵ ਦੀ ਸਪੋਰਟ ਨਾਲ ਪਾਸ ਹੋਣ ਦੀ ਉਮੀਦ ਹੈ। ਸਰਕਾਰ ਵਲੋਂ ਸੀਮਤ ਡਿਬੇਟ ਲਈ ਪਾਸ ਕੀਤੇ ਗਏ ਪ੍ਰਸਤਾਵ ਵਿਚ ਕਿਹਾ ਗਿਆ ਹੈ ਕਿ ਸਦਨ ਅੱਜ ਉਦੋਂ ਤੱਕ ਮੁਲਤਵੀ ਨਹੀਂ ਹੋਵੇਗਾ ਜਦੋਂ ਤੱਕ ਬਿੱਲ ਸੀ-5 'ਤੇ ਬਹਿਸ ਪੂਰੀ ਨਹੀਂ ਹੋ ਜਾਂਦੀ ਅਤੇ ਇਹ ਪਾਸ ਹੋ ਨਹੀਂ ਹੋ ਜਾਂਦਾ।

ਲਿਬਰਲ ਸਰਕਾਰ ਦੇ ਬਿੱਲ ਸੀ-5 ਨੂੰ ਲੈ ਕੇ ਵਿਵਾਦ ਵੀ ਹੈ ਕਿਉਂਕਿ ਇਹ ਫੈਡਰਲ ਮੰਤਰੀ ਮੰਡਲ ਨੂੰ ਖਾਨਾਂ, ਬੰਦਰਗਾਹਾਂ ਅਤੇ ਪਾਈਪਲਾਈਨ ਵਰਗੇ ਵੱਡੇ ਉਦਯੋਗਿਕ ਪ੍ਰੋਜੈਕਟ ਨੂੰ ਤੁਰੰਤ ਮਨਜ਼ੂਰੀ ਦੇਣ ਦੀ ਸ਼ਕਤੀ ਦਿੰਦਾ ਹੈ।

ਪਹਿਲੇ ਰਾਸ਼ਟਰ ਦੇ ਨੇਤਾ ਦੇ ਵਿਰੋਧ ਮਗਰੋਂ ਸਰਕਾਰ ਨੇ ਵੀਰਵਾਰ ਇਸ ਵਿਚ ਸੋਧ ਕਰਦੇ ਹੋਏ ਇਹ ਸਾਫ ਕੀਤਾ ਹੈ ਕਿ ਫਸਟ ਨੇਸ਼ਨ ਨਾਲ ਸਬੰਧ ਮਨਜ਼ੂਰੀ ਨੂੰ ਮੰਤਰੀ ਮੰਡਲ ਵਲੋਂ ਦਰਕਿਨਾਰ ਨਹੀਂ ਕੀਤਾ ਜਾਵੇਗਾ। ਅਮਰੀਕਾ ਵਲੋਂ ਟੈਰਿਫ ਦੇ ਮੱਦੇਨਜ਼ਰ ਪ੍ਰਧਾਨ ਮੰਤਰੀ ਕਾਰਨੀ ਨੇ ਬਿੱਲ ਸੀ-5 ਨੂੰ ਕੈਨੇਡਾ ਦੀ ਘਰੇਲੂ ਆਰਥਿਕ ਨੂੰ ਮਜਬੂਤ ਕਰਨ ਦੀ ਨੀਂਹ ਕਰਾਰ ਦਿੱਤਾ ਹੈ।