8.74C Vancouver 8.74C VancouverJan 27, 2022 10:38 PM - The Canadian Press
ਟਵਾਸਨ ਦੇ ਇਲਾਕੇ 'ਚ ਕਰੀਬ 30 ਸਾਲ ਪਹਿਲਾਂ ਵਾਪਰੀ ਦੋਹਰੇ ਕਤਲ ਦੀ ਵਾਰਦਾਤ ਵਿੱਚ ਇੱਕ ਦੋਸ਼ੀ ਲਈ ਹਫ਼ਤੇ 'ਚ 4 ਦਿਨ ਪੈਰੋਲ 'ਤੇ ਰਹਿਣ ਦੀ ਇਜਾਜਤ ਜਾਰੀ ਰੱਖੀ ਗਈ ਹੈ।
ਪੈਰੋਲ ਬੋਰਡ ਆਫ ਕੈਨੇਡਾ ਦਾ ਕਹਿਣਾ ਹੈ ਕਿ ਡੈਰਿਕ ਲੌਰਡ ਆਪਣੀ ਸਪਾਊਸ ਅਤੇ ਪੁੱਤਰ ਦੇ ਘਰ 4 ਦਿਨ ਅਤੇ ਰਾਤਾਂ ਗੁਜਾਰ ਸਕਦਾ ਹੈ ਪਰ ਹਫ਼ਤੇ 'ਚ ਬਾਕੀ 3 ਰਾਤਾਂ ਲਈ ਉਸ ਨੂੰ ਵੈਨਕੂਵਰ ਆਈਲੈਂਡ ਦੇ ਹਾਫਵੇ ਹਾਊਸ 'ਚ ਪਰਤਣਾ ਪਵੇਗਾ।
48 ਸਾਲਾ ਡੈਰਿਕ ਲੌਰਡ ਸੰਬੰਧੀ ਪੈਰੋਲ ਬੋਰਡ ਆਫ ਕੈਨੇਡਾ ਨੇ ਫੈਸਲਾ ਇਸੇ ਮਹੀਨੇ ਸੁਣਾਇਆ ਹੈ।
ਮਾਮਲਾ ਸਾਲ 1990 'ਚ ਸ਼ੈਰਨ ਹਿਊਨਾਮੈਨ ਅਤੇ ਡੌਰਿਸ ਲੈਦਰਬੈਰੋ ਦੇ ਕਤਲ ਦਾ ਹੈ।
ਦੋਵਾਂ ਦਾ ਚਾਕੂ ਮਾਰ-ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ।
ਲੌਰਡ ਤੋਂ ਇਲਾਵਾ ਇਸ ਘਟਨਾ 'ਚ 2 ਹੋਰ ਲੋਕਾਂ ਨੂੰ ਦੋਸ਼ੀ ਪਾਇਆ ਗਿਆ ਸੀ।
ਇਸ 'ਚ ਪੀੜਤਾਂ ਦੇ ਪੁੱਤਰ ਅਤੇ ਪੋਤਾ ਵੀ ਸ਼ਾਮਿਲ ਸੀ।
ਇਹਨਾਂ ਨੂੰ ਕਤਲ ਦੇ ਮਾਮਲਿਆਂ 'ਚ ਫਰਸਟ ਡਿਗਰੀ ਕਤਲ ਦਾ ਦੋਸ਼ੀ ਪਾਇਆ ਗਿਆ ਸੀ।
ਲੌਰਡ ਨੇ ਲਗਾਤਾਰ ਖੁਦ ਨੂੰ ਬੇਕਸੂਰ ਦੱਸਿਆ ਸੀ ਅਤੇ ਉਸ ਨੂੰ ਸਾਲ 2020 ਮਾਰਚ ਵਿੱਚ ਪਹਿਲੀ ਵਾਰ ਪੈਰੋਲ ਦੀ ਇਜਾਜਤ ਮਿਲੀ ਸੀ।
