15.29C Vancouver 15.29C VancouverMay 12, 2021 9:37 PM -
ਸਰੀ ਗੈਂਗ ਐਨਫੋਰਸਮੈਂਟ ਟੀਮ ਦਾ ਕਹਿਣਾ ਹੈ ਕਿ ਉਨ੍ਹਾਂ ਇੱਕ ਸ਼ੱਕੀ ਕੋਕੇਨ ਦੀ ਇੱਟ ਨੁਮਾ ਸਮਗਰੀ ਬਰਾਮਦ ਕੀਤੀ ਹੈ।
ਮਾਮਲਾ 9 ਮਈ ਦਾ ਦੱਸਿਆ ਗਿਆ ਹੈ ਜਦ ਸਰੀ ਗੈਂਗ ਐਨਫੋਰਸਮੈਂਟ ਟੀਮ ਨੇ ਇੱਕ ਤੇਜ਼ ਰਫ਼ਤਾਰ ਵਾਹਨ ਨੂੰ 108 ਐਵੀਨਿਊ ਅਤੇ 152 ਸਟ੍ਰੀਟ ਦੇ ਇਲਾਕੇ 'ਚ ਰੋਕਣ ਦੀ ਕੋਸ਼ਿਸ਼ ਕੀਤੀ ਸੀ।
ਵਾਹਨ ਨੂੰ ਮੌਕੇ ਤੋਂ ਭਜਾ ਲਿਆ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਵਾਹਨ ਦਾ ਪਿੱਛਾ ਕੀਤਾ ਅਤੇ ਕੁਝ ਹੀ ਸਮੇਂ 'ਚ ਵਾਹਨ ਨੂੰ ਘੇਰ ਲਿਆ ਗਿਆ।
ਇਸ ਤੋਂ ਬਾਅਦ ਚਾਲਕ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਵਧੇਰੇ ਜਾਂਚ ਦੌਰਾਨ 247 ਗ੍ਰਾਮ ਸ਼ੱਕੀ ਕੋਕੇਨ ਬਰਾਮਦ ਹੋਈ।
ਇਹ ਵੀ ਦੱਸਿਆ ਗਿਆ ਕਿ ਇਸ ਕੋਕੇਨ ਦੀ ਸਟ੍ਰੀਟ ਪੱਧਰ 'ਤੇ 1,225 ਖੁਰਾਕਾਂ ਦੀ ਗਿਣਤੀ ਬਣਦੀ ਹੈ।
ਸ਼ੱਕੀ ਡਰੱਗਸ ਤੋਂ ਇਲਾਵਾ ਇੱਕ ਵਾਹਨ ਕੁਝ ਸੈੱਲ ਫੋਨ ਅਤੇ $160 ਕੈਸ਼ ਬਰਾਮਦ ਹੋਏ।
ਇਸ ਮਾਮਲੇ 'ਚ ਕੋਕਟਲਮ ਦੇ 27 ਸਾਲਾ ਵਿਅਕਤੀ ਨੂੰ ਰਿਹਾਅ ਕਰ ਦਿੱਤਾ ਗਿਆ ਅਤੇ ਮਾਮਲੇ 'ਚ ਫਿਲਹਾਲ ਕੋਈ ਦੋਸ਼ ਨਹੀਂ ਲਗਾਏ ਗਏ ਹਨ।
