10.81C Vancouver 10.81C VancouverJul 14, 2020 12:34 AM -
ਕੈਲੋਨਾ ਤੋਂ ਵੈਨਕੂਵਰ ਆਉਣ ਵਾਲੇ ਇੱਕ ਹਵਾਈ ਜਹਾਜ਼ ਦੀਆਂ ਸਵਾਰੀਆਂ ਨੂੰ ਚੇਤਾਵਨੀ ਦਿੱਤੀ ਜਾ ਰਹੀ ਹੈ ਕਿ ਉਹ ਕੋਰੋਨਾ ਵਾਇਰਸ ਦੇ ਸੰਪਰਕ 'ਚ ਆਏ ਹੋ ਸਕਦੇ ਹਨ।
ਬੀ.ਸੀ. ਸੈਂਟਰ ਫ਼ਾਰ ਡਿਜ਼ੀਜ਼ ਕੰਟਰੋਲ ਨੇ ਯਾਤਰੀਆਂ ਨੂੰ ਕੋਵਿਡ-19 ਦੇ ਲੱਛਣਾਂ ਦਾ ਧਿਆਨ ਕਰਨ ਨੂੰ ਕਿਹਾ ਹੈ।
ਏਅਰ ਕੈਨੇਡਾ ਦੀ ਫਲਾਈਟ 8421 'ਤੇ ਯਾਤਰਾ ਕਰਨ ਵਾਲਿਆਂ ਨੂੰ ਕੋਵਿਡ-19 ਬਾਰੇ ਸਾਵਧਾਨ ਕੀਤਾ ਗਿਆ ਹੈ।
ਇਹ ਹਵਾਈ ਜਹਾਜ਼ 6 ਜੁਲਾਈ ਨੂੰ ਕੈਲੋਨਾ ਤੋਂ ਵੈਨਕੂਵਰ ਪਹੁੰਚਿਆ ਸੀ।
ਸਫਰ ਕਰਨ ਵਾਲਿਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਯਾਤਰਾ ਦੇ ਦਿਨ ਤੋਂ ਖੁਦ ਨੂੰ 14 ਦਿਨ ਲਈ ਸੈਲਫ ਆਈਸੋਲੇਟ ਕੀਤਾ ਜਾਵੇ।
ਇਸ ਤੋਂ ਪਹਿਲਾਂ ਵੀ ਕੁਝ ਹਵਾਈ ਜਹਾਜ਼ਾਂ ਸੰਬੰਧੀ ਅਜਿਹੀਆਂ ਚੇਤਾਵਨੀਆਂ ਜਾਰੀ ਕੀਤੀਆਂ ਜਾ ਚੁੱਕੀਆਂ ਹਨ, ਜਦ ਪਤਾ ਲੱਗਿਆ ਸੀ ਕਿ ਹਵਾਈ ਜਹਾਜ਼ 'ਤੇ ਕੋਈ ਅਜਿਹਾ ਯਾਤਰੀ ਸਵਾਰ ਸੀ ਜੋ ਵਾਇਰਸ ਤੋਂ ਪੀੜਤ ਸੀ।
