12.49C Vancouver 12.49C VancouverJun 12, 2025 4:45 PM - Connect Newsroom
ਕੈਨੇਡਾ ਪੋਸਟ ਅਤੇ ਯੂਨੀਅਨ ਵਿਚਕਾਰ ਵਿਵਾਦ ਨੂੰ ਸੁਲਝਾਉਣ ਲਈ ਫੈਡਰਲ ਜੌਬਸ ਮੰਤਰੀ ਪੈਟੀ ਹਾਜਦੂ ਵਲੋਂ ਅਹਿਮ ਕਦਮ ਚੁੱਕਿਆ ਜਾ ਰਿਹਾ ਹੈ, ਜਿਸ ਤਹਿਤ ਡਾਕ ਕਰਮਚਾਰੀਆਂ ਨੂੰ ਕੈਨੇਡਾ ਪੋਸਟ ਦੀ ਤਾਜ਼ਾ ਪੇਸ਼ਕਸ਼ 'ਤੇ ਵੋਟ ਕਰਨੀ ਹੋਵੇਗੀ। ਇਸ ਦੀ ਬੇਨਤੀ ਕੈਨੇਡਾ ਪੋਸਟ ਨੇ ਹੀ ਕੀਤੀ ਸੀ, ਉਸ ਦਾ ਕਹਿਣਾ ਸੀ ਕਿ ਯੂਨੀਅਨ ਨਾਲ ਮਸਲਾ ਹੁੰਦਾ ਨਹੀਂ ਲੱਗ ਰਿਹਾ।
ਜੌਬਸ ਮੰਤਰੀ ਹਾਜਦੂ ਨੇ ਕਿਹਾ ਕਿ 18 ਮਹੀਨਿਆਂ ਦੀ ਗੱਲਬਾਤ 200 ਤੋਂ ਵੱਧ ਮੀਟਿੰਗਾਂ, 33 ਦਿਨਾਂ ਦੀ ਹੜਤਾਲ ਅਤੇ ਫਾਲ ਵਿਚ ਲਾਕਆਊਟ ਤੋਂ ਬਾਅਦ ਵੀ ਕੈਨੇਡਾ ਪੋਸਟ ਅਤੇ ਯੂਨੀਅਨ ਵਿਚਕਾਰ ਮਸਲਾ ਹੱਲ ਨਹੀਂ ਹੋਇਆ, ਇਸ ਲਈ ਡਾਕ ਕਰਮਚਾਰੀਆਂ ਨੂੰ ਵੋਟ ਲਈ ਹੁਕਮ ਦੇਣਾ ਜਨਤਕ ਹਿੱਤ ਵਿਚ ਹੈ।
ਕੈਨੇਡਾ ਪੋਸਟ ਨੇ ਜੌਬਸ ਮੰਤਰੀ ਦੇ ਕਦਮ ਦਾ ਸਵਾਗਤ ਕੀਤਾ ਅਤੇ ਕਿਹਾ ਕਿ ਇਸ ਇਤਿਹਾਸਕ ਫੈਸਲੇ ਨਾਲ ਸਾਡੇ ਕਰਮਚਾਰੀਆਂ ਨੂੰ ਨਵੇਂ ਸਮਝੌਤੇ 'ਤੇ ਸਿੱਧੇ ਆਵਾਜ਼ ਉਠਾਉਣ ਅਤੇ ਵੋਟ ਕਰਨ ਦਾ ਮੌਕਾ ਮਿਲੇਗਾ। ਓਧਰ, ਯੂਨੀਅਨ ਨੇ ਨਵੀਨਤਮ ਪੇਸ਼ਕਸ਼ 'ਤੇ ਵੋਟ ਦੇ ਵਿਚਾਰ ਨੂੰ ਖਾਰਜ ਕੀਤਾ ਹੈ ਤੇ ਆਰਬਿਟਰੇਸ਼ਨ ਦੀ ਮੰਗ ਕੀਤੀ ਹੈ।
