30.29C Vancouver 30.29C VancouverJun 9, 2025 4:04 PM - The Canadian Press
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਸੂਬੇ ਦੇ ਉੱਤਰ-ਪੂਰਬ ਵਿਚ ਪਾਕੇਟ ਨਾਈਫ ਕ੍ਰੀਕ ਦੀ ਜੰਗਲੀ ਅੱਗ ਇੱਕ ਹੋਰ ਅੱਗ ਨਾਲ ਰਲ ਗਈ ਹੈ, ਜਿਸ ਨਾਲ ਇਸ ਦਾ ਆਕਾਰ ਕਾਫ਼ੀ ਹੱਦ ਤੱਕ ਵੱਧ ਗਿਆ ਹੈ। ਇਹ ਅੱਗ ਹੁਣ 610 ਵਰਗ ਕਿਲੋਮੀਟਰ ਤੋਂ ਵੱਧ ਦੇ ਖੇਤਰ ਵਿਚ ਫੈਲ ਚੁੱਕੀ ਹੈ ਅਤੇ ਕਾਬੂ ਤੋਂ ਬਾਹਰ ਹੈ।
ਪੀਸ ਰਿਵਰ ਰੀਜਨਲ ਡਿਸਟ੍ਰਿਕ ਨੇ ਇਸ ਖਤਰੇ ਨੂੰ ਦੇਖਦੇ ਹੋਏ ਬੀਤੇ ਕੱਲ੍ਹ ਬਕਿੰਗਹੋਰਸ ਰਿਵਰ ਤੋਂ ਲਗਭਗ 9 ਕਿਲੋਮੀਟਰ ਦੇ ਦਾਇਰੇ ਵਿਚ ਆਉਣ ਵਾਲੇ ਖੇਤਰ ਦੇ ਲੋਕਾਂ ਨੂੰ ਘਰ ਛੱਡਣ ਦੇ ਆਦੇਸ਼ ਜਾਰੀ ਕੀਤੇ।
ਬੀਸੀ ਵਾਈਲਡਫਾਇਰ ਸਰਵਿਸ ਮੁਤਾਬਕ, ਸੂਬੇ ਦੇ ਉੱਤਰ-ਪੂਰਬ ਵਿਚ ਤਿੰਨ ਮਹੱਤਵਪੂਰਨ ਅੱਗਾਂ ਹਨ, ਜਿਨ੍ਹਾਂ ਵਿਚ ਦੂਜੀ ਬੀ.ਸੀ.-ਐਲਬਰਟਾ ਬਾਰਡਰ ਨੇੜੇ ਫੈਲੀ ਕਿਸਕਾਟੀਨਾਵ ਰਿਵਰ ਵਾਈਲਡਫਾਇਰ ਅਤੇ ਤੀਜੀ ਸਮਿਟ ਲੇਕ ਵਾਇਲਡਫਾਇਰ ਹੈ। ਹਵਾਵਾਂ ਤੇ ਗਰਮੀ ਕਾਰਨ ਇਨ੍ਹਾਂ ਦਾ ਸਾਈਜ਼ ਵਧਣ ਦੀ ਸੰਭਾਵਨਾ ਜਤਾਈ ਗਈ ਹੈ। ਉਥੇ ਹੀ, ਵੈਨਕੂਵਰ ਆਈਲੈਂਡ ਦੇ ਪੋਰਟ ਅਲਬਰਨੀਨੇੜੇ ਇੱਕ ਅੱਗ ਭੜਕੀ ਹੈ, ਜੋ ਕੱਲ ਦੁਪਹਿਰ ਤੱਕ 10 ਹੈਕਟੇਅਰ ਵਿਚ ਸੀ।
