ਲੈਂਗਲੀ ਵਿਚ ਗੱਡੀ ਦੀ ਲਪੇਟ ਵਿਚ ਆਉਣ ਨਾਲ ਪੈਦਲ ਜਾ ਰਹੇ ਵਿਅਕਤੀ ਦੀ ਹੋਈ ਮੌਤ

ਲੈਂਗਲੀ ਵਿਚ ਅੱਜ ਸਵੇਰੇ 264 ਸਟ੍ਰੀਟ ਅਤੇ 0 ਐਵੇਨਿਊ ਨੇੜੇ ਇੱਕ ਗੱਡੀ ਦੀ ਲਪੇਟ ਵਿਚ ਆਉਣ ਨਾਲ ਪੈਦਲ ਜਾ ਰਹੇ ਵਿਅਕਤੀ ਦੀ ਮੌਤ ਹੋ ਗਈ। ਘਟਨਾ ਸਵੇਰ 6:42 ਵਜੇ ਵਾਪਰੀ।ਲੈਂਗਲੀ ਆਰ.ਸੀ.ਐਮ.ਪੀ.ਦੇ ਸਾਰਜੈਂਟ ਜ਼ਾਈਨਲ ਸ਼ਾਰੂਮ ਨੇ ਕਿਹਾ ਕਿ ਐਂਬੂਲੈਂਸ ਸਰਵਿਸ ਅਤੇ ਲੈਂਗਲੀ ਫਾਇਰ ਡਿਪਾਰਟਮੈਂਟ ਦੇ ਅਧਿਕਾਰੀ ਵੀ ਮੌਕੇ 'ਤੇ ਸਨ ਪਰ ਪੀੜਤ ਦੀ ਜਾਨ ਬਚਾਉਣ ਦੇ ਯਤਨਾਂ ਦੇ ਬਾਵਜੂਦ ਉਸ ਦੀ ਮੌਤ ਮੌਕੇ 'ਤੇ ਹੀ ਹੋ ਗਈ।

ਪੀੜਤ ਦੀ ਪਛਾਣ ਹਾਲੇ ਜਾਰੀ ਨਹੀਂ ਕੀਤੀ ਗਈ, ਪੁਲਿਸ ਦਾ ਕਹਿਣਾ ਸੀ ਕਿ ਅਜੇ ਪਰਿਵਾਰ ਨੂੰ ਸੂਚਿਤ ਕੀਤਾ ਜਾ ਰਿਹਾ ਹੈ।

ਲੈਂਗਲੀ ਆਰ.ਸੀ.ਐਮ.ਪੀ. ਨੇ ਗੱਡੀ ਅਤੇ ਡਰਾਈਵਰ ਬਾਰੇ ਵੀ ਕੋਈ ਵੇਰਵਾ ਨਹੀਂ ਦਿੱਤਾ, ਸਾਰਜੈਂਟ ਸ਼ਾਰੂਮ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਜੋ ਵੀ ਉਸ ਸਮੇਂ ਇਲਾਕੇ ਵਿਚ ਸਨ ਜਾਂ ਜਿਨ੍ਹਾਂ ਕੋਲ ਘਟਨਾ ਦੀ ਡੈਸ਼ ਕੈਮਰਾ ਫੁਟੇਜ ਹੈ, ਉਹ ਅੱਗੇ ਆਉਣ ਅਤੇ ਇਸ ਦੀ ਜਾਣਕਾਰੀ ਲੈਂਗਲੀ ਆਰ.ਸੀ.ਐਮ.ਪੀ. ਨੂੰ 604-532-3200 'ਤੇ ਦਿੱਤੀ ਜਾ ਸਕਦੀ ਹੈ।