15.38C Vancouver 15.38C VancouverJun 20, 2022 8:16 PM - The Canadian Press
ਵੈਨਕੂਵਰ 'ਚ ਇੱਕ ਹਿਟ ਐਂਡ ਰਨ ਦੀ ਘਟਨਾ 'ਚ ਇੱਕ ਪੈਦਲ ਯਾਤਰੀ ਦੀ ਮੌਤ ਹੋ ਗਈ ਹੈ।
ਪੁਲਿਸ ਅਨੁਸਾਰ ਘਟਨਾ ਐਤਵਾਰ ਰਾਤ ਵੈਸਟ 4 ਐਵੀਨਿਊ ਅਤੇ ਅਰਬਿਊਟਸ ਸਟ੍ਰੀਟ ਦੇ ਇਲਾਕੇ 'ਚ ਵਾਪਰੀ।
ਪੁਲਿਸ ਦਾ ਕਹਿਣਾ ਸੀ ਕਿ ਇੱਕ 24 ਸਾਲਾ ਯੁਵਕ ਅਤੇ ਉਸ ਦਾ ਦੋਸਤ ਰਾਤ ਕਰੀਬ 11.30 ਵਜੇ ਸੜਕ ਪਾਰ ਕਰ ਰਹੇ ਸਨ ਜਦ ਇੱਕ ਗੱਡੀ ਯੁਵਕ ਨਾਲ ਟਕਰਾ ਗਈ।
ਪੁਲਿਸ ਦਾ ਕਹਿਣਾ ਹੈ ਕਿ ਜਾਣਕਾਰੀ ਅਨੁਸਾਰ ਨਵੇਂ ਮਾਡਲ ਦੀ ਚਾਂਦੀ ਰੰਗੀ ਗੱਡੀ ਤੇਜ ਰਫਤਾਰ 'ਤੇ ਜਾ ਰਹੀ ਸੀ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ ਪੀੜਤ ਯੁਵਕ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਸੀ।
ਉਨ੍ਹਾਂ ਦੱਸਿਆ ਕਿ ਟੱਕਰ ਕਾਰਨ ਪੀੜਤ ਯੁਵਕ ਕਾਫੀ ਦੂਰ ਜਾ ਕੇ ਡਿੱਗਿਆ।
ਪੁਲਿਸ ਅਨੁਸਾਰ ਇੱਕ ਗੱਡੀ ਜਬਤ ਕੀਤੀ ਗਈ ਹੈ ਅਤੇ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਹੀ ਗੱਡੀ ਘਟਨਾ 'ਚ ਸ਼ਾਮਿਲ ਸੀ ਜਾਂ ਨਹੀਂ।
ਫਿਲਹਾਲ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਹੈ ਕਿ ਜਬਤ ਕੀਤੀ ਗਈ ਗੱਡੀ ਕਿੱਥੇ ਜਾਂ ਕਿਵੇਂ ਪੁਲਿਸ ਦੇ ਹੱਥ ਲੱਗੀ।
