16.39C Vancouver 16.39C VancouverJun 20, 2022 10:14 PM - Connect News
ਸਰੀ 'ਚ ਹਿਟ ਐਂਡ ਰਨ ਦੀ ਘਟਨਾ ਵਾਪਰੀ ਹੈ।
ਜਾਣਕਾਰੀ ਅਨੁਸਾਰ ਘਟਨਾ 'ਚ ਸ਼ਾਮਿਲ ਵਾਹਨ ਚੋਰੀ ਦਾ ਦੱਸਿਆ ਗਿਆ ਹੈ।
ਘਟਨਾ 'ਚ ਇੱਕ ਪੈਦਲ ਯਾਤਰੀ ਨੂੰ ਗੰਭੀਰ ਸੱਟਾਂ ਲੱਗੀਆਂ ਦੱਸੀਆਂ ਗਈਆਂ ਹਨ।
ਇੱਕ ਵਿਅਕਤੀ 132 ਸਟ੍ਰੀਟ ਦੇ 8400 ਬਲੌਕ ਕੋਲ ਆਪਣੀ ਗੱਡੀ ਦੇ ਸਾਹਮਣੇ ਖੜਾ ਸੀ।
ਇਸੇ ਦੌਰਾਨ ਅੱਜ ਸਵੇਰ ਕਰੀਬ 6.20 ਵਜੇ ਵਿਅਕਤੀ ਨਾਲ ਇੱਕ ਗੱਡੀ ਟਕਰਾ ਗਈ।
ਪੀੜਤ ਵਿਅਕਤੀ ਨੂੰ ਗੰਭੀਰ ਜਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ।
ਟੱਕਰ 'ਚ ਸ਼ਾਮਿਲ ਵਾਹਨ ਮੌਕੇ ਤੋਂ ਨਿਕਲ ਗਿਆ ਸੀ।
ਹਾਲਾਂਕਿ ਘਟਨਾ ਤੋਂ ਕੁਝ ਦੂਰੀ 'ਤੇ 134 ਸਟ੍ਰੀਟ ਦੇ 8400 ਬਲੌਕ ਕੋਲ ਇੱਕ ਵਾਹਨ ਨੂੰ ਅੱਗ ਲੱਗੀ ਮਿਲੀ।
ਮੰਨਿਆ ਜਾ ਰਿਹਾ ਹੈ ਕਿ ਅੱਗ ਦੇ ਹਵਾਲੇ ਕੀਤਾ ਵਾਹਨ ਹੀ ਹਿਟ ਐਂਡ ਰਨ ਦੀ ਘਟਨਾ 'ਚ ਸ਼ਾਮਿਲ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਵਾਹਨ ਕੋਕਟਲਮ 'ਚ ਚੋਰੀ ਹੋਇਆ ਰਿਪੋਰਟ ਹੋਇਆ ਸੀ।
