17.41C Vancouver 17.41C VancouverMay 25, 2026 6:00 PM - Connect Newsroom - Jasmine Singh
ਓਨਟਾਰੀਓ ਦੀ ਪੀਲ ਪੁਲਿਸ ਨੇ ਪੰਜਾਬੀ ਭਾਈਚਾਰੇ ਦੇ ਕਾਰੋਬਾਰੀ ਮਾਲਕ ਨੂੰ ਟਾਰਗੇਟ ਕਰਨ ਵਾਲੇ ਇੱਕ ਵੱਡੇ ਐਕਸਟੋਸ਼ਨ ਨੈੱਟਵਰਕ ਦਾ ਪਰਦਾਫਾਸ਼ ਕਰਦੇ ਹੋਏ 17 ਸ਼ੱਕੀਆਂ ਨੂੰ ਗ੍ਰਿਫਤਾਰ ਕੀਤੇ ਜਾਣ ਦਾ ਐਲਾਨ ਕੀਤਾ ਹੈ। ਪੀਲ ਪੁਲਿਸ ਮੁਤਾਬਕ, ਇਹ ਜਾਂਚ ਇੱਕ ਜੁਆਇੰਟ ਇਨਵੈਸਟੀਗੇਸ਼ਨ ਦਾ ਹਿੱਸਾ ਸੀ, ਜਿਸ ਵਿਚ ਸਰੀ ਪੁਲਿਸ ਸਰਵਿਸ, CBSA ਅਤੇ ਐਫ.ਬੀ.ਆਈ. ਵੀ ਸ਼ਾਮਲ ਸਨ।
ਸੋਮਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਵਿਚ ਪੀਲ ਰੀਜ਼ਨਲ ਪੁਲਿਸ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜਾਂਚ ਦੌਰਾਨ ਇੱਕ FOR Brothers ਗੈਂਗ ਨਾਂ ਦੇ ਕ੍ਰਿਮੀਨਲ ਨੈੱਟਵਰਕ ਦੀ ਪਛਾਣ ਹੋਈ ਹੈ, ਜਿਸ ਦੇ ਮੈਂਬਰਸ ਦੇ ਸਬੰਧ ਕਈ ਐਕਸਟੋਸ਼ਨ ਨੈੱਟਵਰਕ ਅਤੇ ਸ਼ੂਟਿੰਗਸ ਨਾਲ ਸਨ। ਇਨ੍ਹਾਂ ਵਿਚ 22 ਸਾਲਾ ਗੌਤਮ ਦਾ ਸਬੰਧ ਕੈਲੀਫੋਰਨੀਆ ਨਾਲ ਹੈ, ਉਥੇ ਹੀ, ਹੋਰ ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਮਾਂ ਵਿਚ ਨਵਰੂਪ ਸਿੰਘ, ਮਨਦੀਪ ਸਿੰਘ, ਅਮਰਜੋਤ ਸਿੰਘ, ਜਸ਼ਨਪ੍ਰੀਤ ਸਿੰਘ, ਮੋਹਿੰਦਰ ਸਿੰਘ ਸਮੇਤ ਸਾਰੇ ਬਰੈਂਪਟਨ ਦੇ ਰਹਿਣ ਵਾਲੇ ਹਨ ਅਤੇ ਇਨ੍ਹਾਂ ਦੀ ਉਮਰ 21 ਤੋਂ 30 ਸਾਲ ਹੈ।
ਇੱਕ ਮੁਲਜ਼ਮ ਸਰੀ ਦਾ 21 ਸਾਲਾ ਜਸ਼ਨਬੀਰ ਸਿੰਘ ਹੈ। ਪੀਲ ਰਿਜਨਲ ਪੁਲਿਸ ਦੇ Chief ਨਿਸ਼ਾਨ ਦੁਰਈਅੱਪਾ ਮੁਤਾਬਕ, 17 ਮੁਲਜ਼ਮਾਂ ਵਿਚੋਂ 6 ਨੂੰ ਇਮੀਗ੍ਰੇਸ਼ਨ ਕਾਰਵਾਈ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਦੋ ਮੁਲਜ਼ਮ CBSA ਦੀ ਹਿਰਾਸਤ ਵਿਚ ਹਨ ਅਤੇ ਕੁਝ ਨੂੰ ਡਿਪੋਰਟ ਕੀਤਾ ਜਾ ਚੁੱਕਾ ਹੈ।
