15.29C Vancouver 15.29C VancouverMay 12, 2021 7:31 PM -
ਬੀ.ਸੀ. 'ਚ ਪੈਂਟੀਕਟਨ 'ਚ ਅਧਿਕਾਰੀਆਂ ਵੱਲੋਂ ਪ੍ਰੀਮਿਅਰ ਜੌਨ ਹੌਰਗਨ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਇੱਕ 42 ਬੈਡਸ ਵਾਲੇ ਸ਼ੈਲਟਰ ਨੂੰ ਬੰਦ ਕਰਨ 'ਚ ਮਦਦ ਕੀਤੀ ਜਾਵੇ।
ਓਕਾਨਾਗਨ ਸਿਟੀ 'ਚ ਇਸ ਟੈਂਪਰੇਰੀ ਸ਼ੈਲਟਰ 'ਤੇ ਵਿਵਾਦ ਖੜਾ ਹੋ ਗਿਆ ਹੈ।
ਪੈਂਟੀਕਟਨ ਦੇ ਮੇਅਰ ਜੌਨ ਵੈਸੀਲਾਕੀ ਦਾ ਕਹਿਣਾ ਹੈ ਕਿ ਹੁਣ ਸੂਬਾ ਸਰਕਾਰ ਨੂੰ ਵਿਚਾਲੇ ਆਉਣਾ ਚਾਹੀਦਾ ਹੈ।
ਇਸ ਬਾਬਤ ਹੌਰਗਨ ਨੂੰ ਇੱਕ ਚਿੱਠੀ ਵੀ ਲਿਖੀ ਗਈ ਹੈ।
ਇਸ ਸ਼ੈਲਟਰ ਨੂੰ ਬੀ.ਸੀ. ਹਾਊਸਿੰਗ ਵੱਲੋਂ ਇੱਕ ਐਪਲੀਕੇਸ਼ਨ 'ਤੇ ਇੱਕ ਸਾਲ ਦੇ ਲਈ ਟੈਂਪਰੇਰੀ ਪੱਧਰ 'ਤੇ ਵਰਤਣ ਦਾ ਪਰਮਿਟ ਹਾਸਿਲ ਹੈ।
ਵੈਸੀਲਾਕੀ ਨੂੰ ਆਸ ਹੈ ਕਿ ਹੌਰਗਨ ਵੱਲੋਂ ਅਟੌਰਨੀ ਜਨਰਲ ਡੇਵਿਡ ਇਬੀ ਨਾਲ ਇਸ ਡਿਸ-ਅਗਰੀਮੈਂਟ ਦਾ ਹੱਲ ਕੱਢਿਆ ਜਾ ਸਕੇਗਾ।
ਇਬੀ ਦਾ ਕਹਿਣਾ ਹੈ ਕਿ ਸੂਬੇ ਨੂੰ ਫਿਲਹਾਲ ਹੋਰ ਸਮੇਂ ਦੀ ਲੋੜ ਹੈ ਜਿਸ ਨਾਲ ਸ਼ੈਲਟਰ ਨਿਵਾਸੀਆਂ ਦੇ ਲੰਮੇ ਸਮੇਂ ਦੇ ਰਹਿਣ ਦੇ ਪ੍ਰਬੰਧ ਕੀਤੇ ਜਾ ਸਕਣ।
ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਅਧਿਕਾਰ ਦੀ ਵਰਤੋਂ ਕਰ ਇਸ ਫੈਸਿਲਟੀ ਨੂੰ ਬੰਦ ਹੋਣ ਤੋਂ ਰੋਕ ਸਕਦੇ ਹਨ।
ਹਾਲਾਂਕਿ ਵਾਸੀਲਾਕੀ ਦਾ ਕਹਿਣਾ ਹੈ ਕਿ ਰੈਜ਼ੀਡੈਂਟਸ ਇਸ ਦੇ ਬੰਦ ਹੋਣ ਦੇ ਹੱਕ 'ਚ ਹਨ।
ਉਨ੍ਹਾਂ ਕਿਹਾ ਕਿ ਇਹ ਫੈਸਿਲਟੀ ਅਪਰਾਧ ਦਾ ਗੜ੍ਹ ਬਣ ਗਈ ਹੈ।
