ਵੈਨਕੂਵਰ ਵਿਚ ਟੇਲਰ ਸਵਿਫਟ ਦੇ ਸਮਾਰੋਹ ਲਈ ਆਉਣ ਵਾਲੇ ਲੋਕਾਂ ਨੂੰ ਜੇਬ ਕਰਨੀ ਪਵੇਗੀ ਢਿੱਲੀ

ਵੈਨਕੂਵਰ ਵਿਚ ਟੇਲਰ ਸਵਿਫਟ ਦੇ ਸਮਾਰੋਹ ਲਈ ਆਉਣ ਵਾਲੇ ਲੋਕਾਂ ਨੂੰ ਜੇਬ ਢਿੱਲੀ ਕਰਨੀ ਹੋਵੇਗੀ ਕਿਉਂਕਿ ਸ਼ਹਿਰ ਵਿਚ ਪਾਰਕਿੰਗ ਅਤੇ ਟੈਕਸੀ ਚਾਰਜ ਵੱਧ ਗਏ ਹਨ। ਬੀ-ਸੀ ਪਲੇਸ ਸਟੇਡੀਅਮ ਕੋਲ ਪਾਰਕਿੰਗ ਫੀਸ ਸ਼ੁੱਕਰਵਾਰ, ਸ਼ਨੀਵਾਰ ਅਤੇ ਐਤਵਾਰ ਦੀ ਰਾਤ ਲਈ 150 ਡਾਲਰ ਤੋਂ ਉਪਰ ਪਹੁੰਚ ਗਈ ਹੈ। ਉਥੇ ਹੀ, ਟੇਲਰ ਸਵਿਫਟ ਦੇ ਸਮਾਰੋਹ ਲਈ ਰਾਤ ਸਮੇਂ ਉਬੇਰ ਦਾ ਪ੍ਰੀ ਬੁਕਿੰਗ ਕਿਰਾਇਆ 4 ਗੁਣਾ ਵੱਧ ਗਿਆ ਹੈ।

ਹਾਲਾਂਕਿ, ਇਸ ਵਿਚਕਾਰ ਸ਼ਹਿਰ ਦੇ ਟਰਾਂਸਪੋਰਟ ਆਪਰੇਟਰ ਟਰਾਂਸਲਿੰਕ ਨੇ ਮੰਗ ਨਾਲ ਨਜਿੱਠਣ ਲਈ ਟੇਲਰ ਸਵਿਫਟ ਦੇ ਸ਼ੋਅ ਦੌਰਾਨ ਰਾਤ ਸਮੇਂ ਬੱਸ, ਸਕਾਈ ਟਰੇਨ ਅਤੇ ਸੀ-ਬੱਸ ਦੀਆਂ ਸੇਵਾਵਾਂ ਵਧਾਉਣ ਦਾ ਫੈਸਲਾ ਕੀਤਾ ਹੈ।

ਅਮਰੀਕਨ ਸੁਪਰਸਟਾਰ ਦੇ ਇਸ ਹਫ਼ਤੇ ਹੋਣ ਵਾਲੇ ਤਿੰਨ ਨਾਈਟ ਸ਼ੋਅ ਲਈ ਕਰੀਬ 160,000 ਪ੍ਰਸ਼ੰਸਕ ਪਹੁੰਚਣ ਦੀ ਉਮੀਦ ਹੈ। ਟਰਾਂਸਲਿੰਕ ਦਾ ਕਹਿਣਾ ਹੈ ਕਿ ਸਮਾਰੋਹ ਤੋਂ ਬਾਅਦ ਬੀ.ਸੀ. ਪਲੇਸ ਦੇ ਬਾਹਰ ਲੋਕਾਂ ਨੂੰ ਵਾਟਰਫਰੰਟ ਸਟੇਸ਼ਨ ਤੱਕ ਪਹੁੰਚਾਉਣ ਲਈ ਲੋਕਲ ਬੱਸ ਉਪਲਬਧ ਹੋਣਗੀਆਂ।