14.99C Vancouver 14.99C VancouverJun 3, 2020 7:31 PM -
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ਼੍ਰੀਲੈਂਡ ਨੇ ਮੰਗ ਕੀਤੀ ਹੈ ਕਿ ਜੇਕਰ ਕੋਈ ਵੀ ਐਂਟੀ-ਨਸਲੀ ਰੈਲੀਆਂ ਦਾ ਹਿੱਸਾ ਬਣਨਾ ਚਾਹੁੰਦਾ ਹੈ, ਤਾਂ ਅਜਿਹੇ ਵਿੱਚ ਕੋਵਿਡ-19 ਤੋਂ ਬਚਣ ਦਾ ਵੀ ਧਿਆਨ ਰੱਖਣਾ ਜ਼ਰੂਰੀ ਹੈ।
ਔਟਵਾ, ਟੋਰੌਂਟੋ ਅਤੇ ਕੈਨੇਡਾ ਦੀਆਂ ਹੋਰ ਕਈ ਥਾਵਾਂ 'ਤੇ ਅਜਿਹੀਆਂ ਰੈਲੀਆਂ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ।
ਫ਼੍ਰੀਲੈਂਡ ਦੀਆਂ ਇਹ ਟਿੱਪਣੀਆਂ ਉਸ ਵੇਲੇ ਆਈਆਂ ਹਨ ਜਦ ਫਲਾਇਡ ਪਰਿਵਾਰ ਦੇ ਮੈਂਬਰਾਂ ਨੇ ਚਾਰੇ ਪੁਲਿਸ ਅਫ਼ਸਰਾਂ ਦੀ ਗ੍ਰਿਫਤਾਰੀ ਦੀ ਮੰਗ ਕੀਤੀ ਹੈ।
ਫਲਾਇਡ ਪਰਿਵਾਰ ਨੇ ਅੱਜ ਮੀਨੀਆਪੌਲਿਸ 'ਚ ਉਸ ਜਗ੍ਹਾ ਤੱਕ ਪਹੁੰਚ ਕੀਤੀ ਜਿੱਥੇ 25 ਮਈ ਨੂੰ ਜਾਰਜ ਫਲਾਇਡ ਦੀ ਗ੍ਰਿਫਤਾਰੀ ਦੀ ਕੋਸ਼ਿਸ਼ ਦੇ ਦੌਰਾਨ ਸਾਰੀ ਘਟਨਾ ਵਾਪਰੀ ਸੀ।
ਇੱਕ ਪੁਲਿਸ ਅਫ਼ਸਰ ਦਾ ਵੀਡੀਓ ਸਾਹਮਣੇ ਆਇਆ ਸੀ, ਜਿਸ ਨੇ ਗੋਡੇ ਨਾਲ ਜਾਰਜ ਫਲਾਇਡ ਦੀ ਧੌਣ ਨੂੰ ਕਰੀਬ 8 ਮਿੰਟ ਤੱਕ ਦੱਬ ਕੇ ਰੱਖਿਆ। ਵੀਡੀਓ 'ਚ ਜਾਰਜ ਫਲਾਇਡ ਨੂੰ ਕੁਰਲਾਉਂਦੇ ਵੇਖਿਆ ਜਾ ਸਕਦਾ ਹੈ, ਅਤੇ ਉਹ ਲਗਾਤਾਰ ਕਹਿੰਦਾ ਰਿਹਾ ਕਿ ਉਸ ਨੂੰ ਸਾਹ ਲੈਣ 'ਚ ਪ੍ਰੇਸ਼ਾਨੀ ਹੋ ਰਹੀ ਹੈ।
