13.55C Vancouver 13.55C VancouverSep 27, 2023 8:32 PM - The Canadian Press
ਪ੍ਰਿੰਸ ਜਾਰਜ ਵਿੱਚ ਹੈਲੀਕਾਪਟਰ ਹਾਦਸੇ 'ਚ ਮਰਨ ਵਾਲੇ ਵਿਅਕਤੀਆਂ ਦੀ ਪਹਿਚਾਣ ਹੋ ਗਈ ਹੈ।
ਜੰਗਲਾਤ ਉਤਪਾਦ ਦੀ ਫਰਮ ਕੈਨਫੋਰ ਦਾ ਕਹਿਣਾ ਹੈ ਕਿ ਕੰਪਨੀ ਲਈ ਫੀਲਡ ਸਰਵੇਖਣ ਦਾ ਕੰਮ ਕਰਨ ਲਈ ਕਿਰਾਏ 'ਤੇ ਰੱਖੇ ਠੇਕੇਦਾਰ ਇੱਕ ਹੈਲੀਕਾਪਟਰ ਵਿੱਚ ਸਵਾਰ ਸਨ ਜੋ ਪ੍ਰਿੰਸ ਜਾਰਜ ਵਿੱਚ ਹਾਦਸਾਗ੍ਰਸਤ ਹੋਇਆ ਸੀ, ਜਿਸ ਵਿੱਚ ਦੋ ਦੀ ਮੌਤ ਹੋ ਗਈ ਅਤੇ ਚਾਰ ਜ਼ਖਮੀ ਹੋ ਗਏ ਸਨ।
ਇਹ ਹਾਦਸਾ ਪ੍ਰਿੰਸ ਜਾਰਜ ਦੇ ਪੂਰਬ ਵੱਲ ਪਰਡਨ ਲੇਕ ਨੇੜੇ ਸਵੇਰੇ 7:30 ਦੇ ਕਰੀਬ ਵਾਪਰਿਆ। ਇਸ ਹੈਲੀਕਾਪਟਰ ਵਿੱਚ ਛੇ ਲੋਕ ਸਵਾਰ ਸਨ।
ਕੈਨਫੋਰ ਨੇ ਬੁੱਧਵਾਰ ਨੂੰ ਜਾਰੀ ਇਕ ਬਿਆਨ ਵਿੱਚ ਕਿਹਾ ਕਿ ਹੈਲੀਕਾਪਟਰ ਅਤੇ ਇਸਦੇ ਪਾਇਲਟ ਨੂੰ ਫੀਲਡ ਵਰਕ ਲਈ ਇਕਰਾਰਨਾਮਾ ਕੀਤਾ ਗਿਆ ਸੀ।
ਪਰ ਕੰਪਨੀ ਨਾ ਤਾਂ ਠੇਕੇਦਾਰੀ ਫਰਮ ਅਤੇ ਨਾ ਹੀ ਹੈਲੀਕਾਪਟਰ ਦੇ ਮਾਲਕ ਦਾ ਖੁਲਾਸਾ ਕਰੇਗੀ।
ਕੈਨਫੋਰ ਦੇ ਕਾਰਪੋਰੇਟ ਸੰਚਾਰ ਦੇ ਉਪ-ਪ੍ਰਧਾਨ ਮਿਸ਼ੇਲ ਵਾਰਡ ਦਾ ਕਹਿਣਾ ਹੈ ਕਿ ਕੰਪਨੀ ਇਸ ਹਾਦਸੇ ਤੋਂ ਬਹੁਤ ਦੁਖੀ ਹੈ।
ਉਨ੍ਹਾਂ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ 'ਤੇ ਦੋਸਤਾਂ ਪ੍ਰਤੀ ਸੰਵੇਦਨਾ ਪ੍ਰਗਟਾਈ ਹੈ।
ਜ਼ਿਕਰਯੋਗ ਹੈ ਕਿ ਬੀਤੇ ਦਿਨ ਪ੍ਰਿੰਸ ਜਾਰਜ ਵਿੱਚ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਚਾਰ ਜ਼ਖ਼ਮੀ ਹੋ ਗਏ ਸਨ।
ਕੈਨੇਡਾ ਦੇ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਇਹ ਜਾਣਕਾਰੀ ਸਾਂਝੀ ਕੀਤੀ ਸੀ।
ਟੀਐਸਬੀ ਜਾਣਕਾਰੀ ਇਕੱਠੀ ਕਰਕੇ ਇਸ ਘਟਨਾ ਦੀ ਜਾਂਚ ਕਰ ਰਹੀ ਹੈ।
