21.82C Vancouver 21.82C VancouverJan 15, 2021 6:19 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਦਿਨ ਰਾਤ ਕੰਮ 'ਚ ਜੁਟੀ ਹੈ ਕਿ ਦੇਸ਼ 'ਚ ਕੋਵਿਡ-19 ਤੋਂ ਬਚਾਅ ਲਈ ਵੱਧ ਤੋਂ ਵੱਧ ਵੈਕਸੀਨ ਦੀ ਡਿਲੀਵਰੀ ਹੋ ਸਕੇ।
ਪਰ ਉਨ੍ਹਾਂ ਕਿਹਾ ਕਿ ਜਦ ਇਸ ਪ੍ਰਕਾਰ ਦੇ ਇਤਿਹਾਸਿਕ ਕਦਮ ਚੁੱਕੇ ਜਾ ਰਹੇ ਹੋਣ ਤਾਂ ਕੁਝ ਵਿਘਨ ਪੈਣੇ ਸੁਭਾਵਿਕ ਹਨ।
ਉਨ੍ਹਾਂ ਇਹ ਟਿੱਪਣੀ ਫਾਈਜ਼ਰ ਬਾਇਓਐਨਟੈਕ ਦੀ ਵੈਕਸੀਨ ਡਿਲੀਵਰੀ 'ਚ ਵਿਘਨ ਪੈਣ ਦੀਆਂ ਖਬਰਾਂ 'ਤੇ ਕੀਤੀ ਹੈ।
ਟਰੂਡੋ ਨੇ ਕਿਹਾ ਕਿ ਜੇਕਰ ਕਿਸੇ ਵੈਕਸੀਨ ਦੀ ਪ੍ਰੋਡਕਸ਼ਨ 'ਚ ਕੁਝ ਵਿਘਨ ਪੈਂਦੇ ਹਨ ਤਾਂ ਇਹ ਮਸਲਾ ਸਰਕਾਰ ਦੇ ਵਸੋਂ ਬਾਹਰ ਹੈ।
ਟਰੂਡੋ ਨੇ ਕਿਹਾ ਕਿ ਇਸ ਨਾਲ ਸਿਤੰਬਰ ਦੇ ਅੰਤ ਤੱਕ ਸਾਰੇ ਕਨੇਡੀਅਨ ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਵਾਉਣ ਦੇ ਟੀਚੇ 'ਤੇ ਕੋਈ ਪ੍ਰਭਾਵ ਨਹੀਂ ਪੈਂਦਾ।
