15.26C Vancouver 15.26C VancouverOct 7, 2021 4:39 PM -
ਫਾਈਜ਼ਰ ਕੈਨੇਡਾ ਦਾ ਕਹਿਣਾ ਹੈ ਕਿ ਉਹ ਹੈਲਥ ਕੈਨੇਡਾ ਤੋਂ ਇਹ ਮੰਗ ਕਰਨ ਦੀ ਤਿਆਰੀ ਕਰ ਰਹੇ ਹਨ ਕਿ ਉਹਨਾਂ ਦੀ ਵੈਕਸੀਨ ਨੂੰ 5 ਸਾਲ ਤੋਂ ਵੱਧ ਉਮਰ ਦੇ ਬੱਚਿਆਂ ਦੇ ਲਗਾਉਣ ਦੀ ਮਨਜ਼ੂਰੀ ਅਕਤੂਬਰ ਦੇ ਮੱਧ ਤਕ ਦੇ ਦਿੱਤੀ ਜਾਵੇ।
ਕੰਪਨੀ ਨੇ ਇਹੀ ਦਰਖਵਾਸਤ ਯੂ ਐਸ ਫੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ ਕੋਲ ਵੀ ਅੱਜ ਲਗਾਈ ਹੈ ਅਤੇ 26 ਅਕਤੂਬਰ ਨੂੰ ਇਹਨਾਂ ਦੋਵਾਂ ਧਿਰਾਂ ਦਰਮਿਆਨ ਇਸ ਨੂੰ ਲੈ ਕੇ ਗੱਲ ਬਾਤ ਹੋ ਸਕਦੀ ਹੈ।
ਪਿਛਲੇ ਹਫ਼ਤੇ ਕੰਪਨੀ ਨੇ ਦੋਵਾਂ ਮੁਲਕਾਂ ਦੀਆਂ ਸਰਕਾਰਾਂ ਨੂੰ 5 ਤੋਂ 11 ਸਾਲ ਦੀ ਉਮਰ ਦੇ ਬੱਚਿਆਂ ਤੇ ਕੀਤੀ ਟ੍ਰਾਇਲ ਦੇ ਨਤੀਜੇ ਸੌਂਪੇ ਹਨ ਪਰ ਉਦੋਂ ਮਨਜ਼ੂਰੀ ਲਈ ਅਧਿਕਾਰਿਤ ਤੌਰ ਤੇ ਦਰਖਵਾਸਤ ਨਹੀਂ ਸੀ ਪਾਈ।
ਇਹ ਵੈਕਸੀਨ 16 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਦੇ ਲਗਾਉਣ ਲਈ ਦਿਸੰਬਰ 2020 ਵਿੱਚ ਮਨਜ਼ੂਰ ਹੋਈ ਸੀ ਅਤੇ ਫੇਰ 12 ਤੋਂ 15 ਸਾਲ ਵਾਲੇ ਗਰੁੱਪ ਲਈ ਮਈ ਵਿੱਚ।
ਛੋਟੇ ਬੱਚਿਆਂ ਦੇ ਲਗਾਈ ਜਾਣ ਵਾਲੀ ਵੈਕਸੀਨ ਦੀ ਖੁਰਨ ਦਾ ਸਾਈਜ਼ ਆਮ ਲੋਕਾਂ ਦੇ ਲੱਗਦੀ ਖੁਰਾਕ ਦੇ ਮੁਕਾਬਲੇ ਇੱਕ ਤਿਹਾਈ ਹੋਵੇਗਾ।
ਫਾਈਜ਼ਰ ਨੇ ਅਤੇ ਹੈਲਥ ਕੈਨੇਡਾ ਨੇ ਹਾਲੇ ਤਕ ਇਹ ਸਾਫ ਨਹੀਂ ਕੀਤਾ ਕਿ ਕੀ ਕੈਨੇਡਾ ਵਿੱਚ ਫਰੀਜ਼ਰਾਂ ਵਿੱਚ ਪਈਆਂ ਖੁਰਾਕਾਂ ਬੱਚਿਆਂ ਦੇ ਲਗਾਉਣ ਲਈ ਅੱਡਪਟ ਕੀਤੀਆਂ ਜਾਂ ਸਕਣਗੀਆਂ ਜਾਂ ਨਵੀਂ ਸ਼ਿਪਮੈਂਟ ਮੰਗਵਾਉਣ ਦੀ ਜ਼ਰੂਰਤ ਪਵੇਗੀ।
