10.94C Vancouver 10.94C VancouverMay 6, 2020 4:25 PM -
ਕਨੇਡੀਅਨ ਫਾਰਮਾਸਿਸਟ ਐਸੋਸੀਏਸ਼ਨ ਮੁਤਾਬਕ ਦਵਾਈਆਂ ਦੀ ਘਾਟ ਦੀ ਵਜ੍ਹਾ ਨਾਲ ਉਤਪਾਦਕਾਂ ਤੋਂ ਸ਼ਿਪਮੈਂਟਾਂ ਵਿੱਚ ਵੱਡੀ ਕਮੀ ਦੇਖਣ ਨੂੰ ਮਿਲ ਰਹੀ ਹੈ ਜਿਸ ਕਾਰਣ ਫਾਰਮੇਸੀਆਂ ਨੂੰ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਸੰਸਥਾ ਵੱਲੋਂ ਪਹਿਲੀ ਵਾਰ ਮਾਰਚ ਦੇ ਸ਼ੁਰੂ ਵਿੱਚ ਦਵਾਈਆਂ ਵਿੱਚ ਹੋਣ ਵਾਲੀ ਕਮੀ ਬਾਰੇ ਚਿੰਤਾ ਜਤਾਈ ਗਈ ਸੀ ਜੱਦ ਚੀਨ ਦੇ ਵਿੱਚ ਕੋਵਿਡ-19 ਕਾਰਣ ਸਪਲਾਈ ਚੇਨ ਉੱਤੇ ਅਸਰ ਪੈਣਾ ਸ਼ੁਰੂ ਹੋਇਆ ਸੀ।
ਜਿੱਥੇ ਕੈਨੇਡਾ ਵਿੱਚ ਦਵਾਈਆਂ ਵਿੱਚ ਗਿਰਾਵਟ ਆਈ ਹੈ, ਉੱਥੇ ਹੀ ਸਥਿਤੀ ਉਸ ਤਰ੍ਹਾਂ ਐਮਰਜੈਂਸੀ ਵਿੱਚ ਤਬਦੀਲ ਨਹੀਂ ਹੋਈ ਜਿਸ ਤਰ੍ਹਾਂ ਸਿਹਤ ਅਧਿਕਾਰੀਆਂ ਨੂੰ ਡਰ ਸੀ।
ਸੰਸਥਾ ਦੇ ਬੈਰੀ ਪਾਵਰ ਮੁਤਾਬਕ ਉਤਪਾਦਕਾਂ ਅਤੇ ਹੋਲਸੇਲਰਾਂ ਵੱਲੋਂ ਫਾਰਮੇਸੀਆਂ ਨੂੰ ਦਵਾਈਆਂ ਰਾਸ਼ਨ ਕਰਨ ਦੀ ਹਦਾਇਤ ਕਾਫੀ ਮਦਦਗਾਰ ਸਾਬਤ ਹੋਈ ਹੈ।
ਕਈ ਫਾਰਮੇਸੀਆਂ ਵੱਲੋਂ ਦਵਾਈਆਂ ਉੱਤੇ 30 ਦਿਨਾਂ ਦੀ ਸੀਮਾ ਨਿਰਧਾਰਿਤ ਕੀਤੀ ਗਈ ਹੈ ਜਿਸ ਕਾਰਣ ਕਈ ਮਰੀਜ਼ਾਂ ਨੂੰ ਵੱਧ ਡਿਸਪੈਂਸਿੰਗ ਫੀਸ ਭਰਨੀ ਪੈ ਰਹੀ ਹੈ।
ਪਾਵਰ ਮੁਤਾਬਕ ਸੰਸਥਾ ਹੈਲਥ ਕੈਨੇਡਾ ਦੇ ਨਾਲ ਮਿਲਕੇ ਇਨ੍ਹਾਂ ਪਾਬੰਦੀਆਂ ਨੂੰ ਚੁੱਕਣ ਸਬੰਧੀ ਗੱਲਬਾਤ ਕਰ ਰਹੀ ਹੈ।
