14.29C Vancouver 14.29C VancouverMar 18, 2026 1:30 PM - Connect Newsroom - Jasmine Singh with files from The Canadian Press
ਪ੍ਰਿੰਸ ਜਾਰਜ ਨੇੜੇ ਹਾਈਵੇ 97 'ਤੇ ਇੱਕ ਲੱਕੜ ਕੱਟਣ ਵਾਲੇ ਟਰੱਕ ਅਤੇ ਪਿਕਅੱਪ ਟਰੱਕ ਵਿਚਕਾਰ ਟੱਕਰ ਵਿਚ ਇੱਕ 67 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਬੀ.ਸੀ. ਹਾਈਵੇਅ ਪੈਟਰੋਲ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਹ ਹਾਦਸਾ ਸੋਮਵਾਰ ਦੁਪਹਿਰ ਲਗਭਗ 12:40 ਵਜੇ ਹਾਈਵੇਅ 97 'ਤੇ ਸੈਲਮਨ ਵੈਲੀ ਨੇੜੇ ਵਾਪਰਿਆ।
ਬੀ.ਸੀ. ਹਾਈਵੇਅ ਪੈਟਰੋਲ ਮੁਤਾਬਕ, ਪੀਟਰਬਿਲਟ ਲੱਕੜ ਕੱਟਣ ਵਾਲੇ ਟਰੱਕ ਖਾਲੀ ਟਰੇਲਰ ਨਾਲ ਨੌਰਥ ਬਾਊਂਡ ਜਾ ਰਿਹਾ ਸੀ, ਜਦੋਂ ਇਸ ਦੀ ਟੱਕਰ ਸਾਊਥਬਾਊਂਡ ਜਾ ਰਹੇ ਨੀਲੇ ਰੰਗ ਦੇ ਸ਼ੇਵਰਲੇਟ ਸਿਲਵੇਰਾਡੋ ਪਿਕਅੱਪ ਟਰੱਕ ਨਾਲ ਹੋ ਗਈ। ਮੈਕੇਂਜ਼ੀ ਦੇ ਰਹਿਣ ਵਾਲੇ 67 ਸਾਲਾ ਪਿਕਅੱਪ ਡਰਾਈਵਰ ਨੇ ਮੌਕੇ 'ਤੇ ਦਮ ਤੋੜ ਦਿੱਤਾ। ਉਥੇ ਹੀ, ਦੂਜੇ ਟਰੱਕ ਦਾ ਡਰਾਈਵਰ ਐਲਬਰਟਾ ਦਾ 29 ਸਾਲਾ ਨੌਜਵਾਨ ਹੈ, ਜੋ ਮਾਮੂਲੀ ਜ਼ਖ਼ਮੀ ਹੋਇਆ।
ਕਾਰਪੋਰੇਸ਼ਨਲ ਮਾਈਕਲ ਮੈਕਲਾਫਲਿਨ ਨੇ ਦੱਸਿਆ ਕਿ ਅਜੇ ਹਾਦਸੇ ਦੇ ਕਾਰਨਾਂ ਬਾਰੇ ਕੁਝ ਵੀ ਕਹਿਣਾ ਜਲਦਬਾਜ਼ੀ ਹੋਵੇਗਾ। ਪੁਲਿਸ ਨੇ ਇਸ ਟੱਕਰ ਦੇ ਗਵਾਹਾਂ ਅਤੇ ਉਹਨਾਂ ਲੋਕਾਂ ਨੂੰ ਅੱਗੇ ਆਉਣ ਲਈ ਕਿਹਾ ਹੈ ਜਿਨ੍ਹਾਂ ਕੋਲ ਇਸ ਦੀ ਡੈਸ਼ ਕੈਮ ਵੀਡੀਓ ਹੋ ਸਕਦੀ ਹੈ।
