ਪ੍ਰਧਾਨ ਮੰਤਰੀ ਕਾਰਨੀ ਨੇ ਐਲਾਨੀ ਨਵੀਂ ਕੈਬਿਨੇਟ

ਕੈਨੇਡਾ ਵਿਚ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਨਵੀਂ ਸਰਕਾਰ ਦਾ ਮੰਗਲਵਾਰ ਨੂੰ ਗਠਨ ਹੋ ਗਿਆ ਹੈ। ਰਿਡੋ ਹਾਲ ਵਿਖੇ ਅੱਜ ਗਵਰਨਰ ਜਨਰਲ ਮੈਰੀ ਸਾਈਮਨ ਵਲੋਂ ਨਵੇਂ ਮਿਨਿਸਟਰ ਅਤੇ ਜਿਨ੍ਹਾਂ ਮੰਤਰੀਆਂ ਦਾ ਪੋਰਟਫੋਲੀਓ ਬਦਲਿਆ ਹੈ ਉਨ੍ਹਾਂ ਨੂੰ ਸੁਹੰ ਚੁਕਾਈ ਗਈ। ਕਾਰਨੀ ਦੀ ਨਵੀਂ ਕੈਬਨਿਟ ਵਿਚ ਹੁਣ 28 ਮੰਤਰੀ ਹਨ। ਇਨ੍ਹਾਂ ਵਿਚੋਂ 13 ਪਹਿਲੀ ਵਾਰ ਚੁਣ ਕੇ ਆਏ ਸਾਂਸਦ ਹਨ ਅਤੇ ਇਸ ਤੋਂ ਇਲਾਵਾ 10 ਜੂਨੀਅਰ ਮੰਤਰੀ ਬਣਾਏ ਗਏ ਹਨ।

ਮੇਲਾਨੀ ਜੌਲੀ ਦਾ ਪੋਰਟਫੋਲੀਓ ਵਿਦੇਸ਼ੀ ਮਾਮਲੇ ਤੋਂ ਬਦਲ ਕੇ ਇੰਡਸਟਰੀ ਮਿਨਿਸਟਰ ਕਰ ਦਿੱਤਾ ਗਿਆ ਹੈ ਅਤੇ ਅਨੀਤਾ ਆਨੰਦ ਹੁਣ ਕੈਨੇਡਾ ਦੀ ਵਿਦੇਸ਼ੀ ਮਾਮਲਿਆਂ ਦੇ ਮੰਤਰੀ ਹੋਣਗੇ। ਡੋਮਿਨਿਕ ਲੇਬਲੈਂਕ ਨੂੰ ਕੈਨੇਡਾ-ਅਮਰੀਕਾ ਵਪਾਰ ਮਿਨਿਸਟਰ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।

ਉਥੇ ਹੀ, ਕਾਰਨੀ ਸਰਕਾਰ ਵਿਚ ਸ਼ਾਮਲ ਹੋਏ ਨਵੇਂ ਚਿਹਰਿਆਂ ਵਿਚੋਂ ਬਰੈਂਪਟਨ ਈਸਟ ਤੋਂ ਜਿੱਤ ਕੇ ਆਏ ਮਨਿੰਦਰ ਸਿੰਘ ਸਿੱਧੂ ਨੂੰ ਅੰਤਰਰਾਸ਼ਟਰੀ ਵਪਾਰ ਮੰਤਰੀ ਬਣਾਇਆ ਗਿਆ ਹੈ। ਉਥੇ ਹੀ, ਜੂਨੀਅਰ ਮੰਤਰੀ ਵਿਚ ਸਰੀ ਸੈਂਟਰ ਤੋਂ ਐਮ.ਪੀ ਰਣਦੀਪ ਸਿੰਘ ਸਰਾਏ ਨੂੰ ਕੌਮਾਂਤਰੀ ਵਿਕਾਸ ਲਈ ਰਾਜ ਦੇ ਸਕੱਤਰ ਅਤੇ ਬਰੈਂਪਟਨ ਤੋਂ ਐਮ.ਪੀ ਰੂਬੀ ਸਹੋਤਾ ਨੂੰ ਅਪਰਾਧ ਦਾ ਮੁਕਾਬਲਾ ਕਰਨਾ ਡਿਪਾਰਟਮੈਂਟ ਲਈ ਰਾਜ ਦੇ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ।