ਆਈ.ਵਾਈ.ਸੀ. ਤੇ ਰਾਹੁਲ ਗਾਂਧੀ ਨੇ ਪ੍ਰਧਾਨ ਮੰਤਰੀ ਮੋਦੀ 'ਤੇ ਦੇਸ਼ ਨੂੰ ਸੰਬੋਧਨ ਤੋਂ ਬਾਅਦ ਚੁੱਕੇ ਸਵਾਲ

ਭਾਰਤੀ ਯੂਥ ਕਾਂਗਰਸ (ਆਈ.ਵਾਈ.ਸੀ.) ਨੇ ਮੰਗਲਵਾਰ ਨੂੰ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿਦੰਰ ਮੋਦੀ 'ਤੇ ਸਵਾਲ ਚੁੱਕੇ ਹਨ।

ਭਾਰਤੀ ਯੂਥ ਕਾਂਗਰਸ ਦਾ ਕਹਿਣਾ ਹੈ ਕਿ ਅੱਜ ਦੇ ਸੰਬੋਧਨ ਦੌਰਾਨ ਮੋਦੀ ਨੇ ਦੇਸ਼ ਨੂੰ ਭਾਰਤ-ਚੀਨ ਤਣਾਅ, ਬੇਰੁਜ਼ਗਾਰੀ, ਅਤੇ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ 'ਤੇ ਕੋਈ ਜਵਾਬ ਨਹੀਂ ਦਿੱਤੇ।

ਆਈ.ਵਾਈ.ਸੀ. ਨੇ ਇੱਕ ਟਵੀਟ 'ਚ ਲਿਖਿਆ, 'ਜਿਵੇਂ ਕਿ ਉਮੀਦ ਸੀ, ਪ੍ਰਧਾਨ ਮੰਤਰੀ ਮੋਦੀ ਨੇ ਭਾਰਤ-ਚੀਨ ਤਣਾਅ 'ਤੇ ਕੋਈ ਗੱਲ ਨਹੀਂ ਕੀਤੀ! ਕਿਉਂ?

ਇੱਕ ਹੋਰ ਟਵੀਟ 'ਚ ਲਿਖਿਆ, 'ਚੀਨ ਨਾਲ ਤਣਾਅ 'ਤੇ ਕੁਝ ਨਹੀਂ ਕਿਹਾ, ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ 'ਤੇ ਵੀ ਕੋਈ ਗੱਲ ਨਹੀਂ ਕੀਤੀ, ਵਪਾਰਾਂ ਨੂੰ ਹੋ ਰਹੇ ਘਾਟੇ ਬਾਰੇ ਵੀ ਚੁੱਪੀ ਬਣਾ ਕੇ ਰੱਖੀ, ਯੁਵਾ ਵਰਗ ਦੀ ਬੇਰੁਜ਼ਗਾਰੀ 'ਤੇ ਵੀ ਗੱਲ ਨਹੀਂ ਕੀਤੀ।

ਮੋਦੀ ਜੀ ਆਏ ਅਤੇ ਇੱਕ ਤਿਆਰ ਕੀਤੀ ਸਪੀਚ ਦੇ ਕੇ ਚਲੇ ਗਏ।'

ਇਸ ਤੋਂ ਪਹਿਲਾਂ ਕਾਂਗਰਸ ਦੇ ਸਾਬਕਾ ਮੁਖੀ ਰਾਹੁਲ ਗਾਂਧੀ ਨੇ ਨੇ ਕਿਹਾ ਸੀ ਕਿ ਪ੍ਰਧਾਨ ਮੰਤਰੀ ਮੋਦੀ ਨੂੰ ਦੇਸ਼ ਨੂੰ ਦੱਸਣਾ ਚਾਹੀਦਾ ਹੈ ਕਿ ਉਹ ਚੀਨ ਦੀ ਸੇਨਾ ਨੂੰ ਲੱਦਾਖ ਤੋਂ ਕਿਵੇਂ ਕੱਢਣਗੇ।

ਉਨ੍ਹਾਂ ਇੱਕ ਵੀਡੀਓ 'ਚ ਪੁੱਛਿਆ, "ਸਾਰੇ ਦੇਸ਼ ਜਾਣਦਾ ਹੈ ਕਿ ਚੀਨ ਨੇ ਭਾਰਤ ਦੀ ਜ਼ਮੀਨ ਹਥਿਆਈ ਹੈ। ਅਸੀਂ ਸਾਰੇ ਜਾਣਦੇ ਹਾਂ ਕਿ ਚੀਨੀ, ਲੱਦਾਖ 'ਚ ਚਾਰ ਥਾਵਾਂ 'ਤੇ ਹਨ। ਤੁਸੀਂ ਦੇਸ਼ ਨੂੰ ਦੱਸੋ ਕਿ ਤੁਸੀਂ ਚੀਨ ਦੀ ਸੇਨਾ ਨੂੰ ਲੱਦਾਖ ਤੋਂ ਬਾਹਰ ਕਦੋਂ ਤੇ ਕਿਵੇਂ ਕੱਢਣ ਜਾ ਰਹੇ ਹੋ?

ਉਨ੍ਹਾਂ ਭਾਜਪਾ ਸਰਕਾਰ ਨੂੰ ਇਹ ਕਹਿ ਕੇ ਵੀ ਘੇਰਿਆ ਸੀ ਕਿ ਚੀਨ ਤੋਂ ਹੋਣ ਵਾਲੇ ਇੰਪੋਰਟ ਦਾ ਇਸ ਸਰਕਾਰ 'ਚ ਵਾਧਾ ਹੋਇਆ ਹੈ।