14.51C Vancouver 14.51C VancouverJan 31, 2022 4:55 PM - The Canadian Press
ਪ੍ਰਾਈਮ ਮਨਿਸਟਰ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ ਅੱਜ ਉਨ੍ਹਾਂ ਦਾ ਕੋਵਿਡ 19 ਟੈਸਟ ਪਾਜ਼ੇਟਿਵ ਆਇਆ ਹੈ।
ਇਹ ਗੱਲ ਟਵਿੱਟਰ ਤੇ ਸਾਂਝੀ ਕਰਦਿਆਂ ਉਨ੍ਹਾਂ ਲਿਖਿਆ ਕਿ ਉਹ 'ਠੀਕ ਮਹਿਸੂਸ ਕਰ ਰਹੇ ਨੇ' ਤੇ ਪਬਲਿਕ ਹੈਲਥ ਗਾਈਡਲਾਈਨਜ਼ ਦੀ ਪਾਲਣਾ ਕਰਦਿਆਂ ਇਸ ਹਫ਼ਤੇ ਰੀਮੋਟਲੀ ਕੰਮ ਕਰਨਾ ਜਾਰੀ ਰੱਖਣਗੇ।
ਉਨ੍ਹਾਂ ਦਾ ਟਵੀਟ ਹਰ ਇੱਕ ਨੂੰ ਉਤਸ਼ਾਹਤ ਵੀ ਕਰਦਾ ਹੈ।
ਉਨ੍ਹਾਂ ਲਿਖਿਆ ਏ ਕਿ 'ਪਲੀਜ਼ ਗੈੱਟ ਵੈਕਸੀਨੇਟਿਡ ਐਂਡ ਗੈੱਟ ਬੂਸਟਡ' ਜਿਸ ਦਾ ਭਾਵ ਏ ਕਿ ਵੈਕਸੀਨੇਸ਼ਨ ਕਰਵਾਓ ਤੇ ਉਤਸ਼ਾਹ 'ਚ ਰਹੋ।
ਟਰੂਡੋ ਨੇ ਪਿਛਲੇ ਵੀਰਵਾਰ ਇਹ ਇੰਕਸ਼ਾਫ ਕੀਤਾ ਸੀ ਕਿ ਲੰਘੀ ਸ਼ਾਮ ਇਹ ਪਤਾ ਲੱਗਣ ਪਿੱਛੋਂ ਕਿ ਉਨ੍ਹਾਂ ਦਾ ਸੰਪਰਕ ਕਿਸੇ ਕੋਵਿਡ ਬੱਸ ਚ ਆਏ ਵਿਅਕਤੀ ਨਾਲ ਹੋਇਆ ਸੀ, ਉਹ ਪੰਜ ਦਿਨ ਲਈ ਇਕਾਂਤਵਾਸ ਵਿਚ ਜਾ ਰਹੇ ਨੇ।
ਸ਼ੁੱਕਰਵਾਰ ਨੂੰ ਉਨ੍ਹਾਂ ਨੇ ਕੈਨੇਡੀਅਨ ਪ੍ਰੈੱਸ ਨੂੰ ਦੱਸਿਆ ਕਿ ਉਹ ਅਜਿਹਾ ਇਸ ਲਈ ਕਰ ਰਹੇ ਹਨ ਕਿਉਂਕਿ ਉਨ੍ਹਾਂ ਦੇ ਤਿੰਨ ਬੱਚਿਆਂ ਵਿੱਚੋਂ ਇਕ ਦਾ ਕੋਵਿਡ 19 ਲਈ ਟੈਸਟ ਪਾਜ਼ੇਟਿਵ ਆਇਆ ਸੀ। ਟਰੂਡੋ ਅੱਜ ਸਵੇਰ ਵੇਲੇ ਇਕ ਰਿਮੋਟ ਨਿਊਜ਼ ਕਾਨਫ਼ਰੰਸ ਕਰ ਰਹੇ ਨੇ ਜਿਸ ਵਿੱਚ ਆਪਣੇ ਵਿਚਾਰ ਰੱਖਣਗੇ ਅਤੇ ਮੀਡੀਆ ਦੇ ਸਵਾਲਾਂ ਦੇ ਜਵਾਬ ਦੇਣਗੇ।
