23.49C Vancouver 23.49C VancouverMay 28, 2026 5:59 PM - Connect Newsroom - Ramandeep Kaur with files from The Canadian Press
ਪੀ.ਐਮ.ਮਾਰਕ ਕਾਰਨੀ ਨੇ ਨਿਊਯਾਰਕ ਵਿਚ ਇੱਕ ਅਹਿਮ ਭਾਸ਼ਣ ਦੌਰਾਨ ਅਮਰੀਕਾ ਨੂੰ ਕੈਨੇਡਾ ਨਾਲ ਇੱਕ ਨਵੀਂ ਅਤੇ ਮਜ਼ਬੂਤ ਭਾਈਵਾਲੀ ਬਣਾਉਣ ਦਾ ਸੱਦਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਗਲੋਬਲ ਮੁਕਾਬਲੇ ਦੇ ਇਸ ਦੌਰ ਵਿਚ ਦੋਹਾਂ ਮੁਲਕਾਂ ਨੂੰ ਸਾਂਝੇ ਭਵਿੱਖ ਲਈ ਵਿਸ਼ੇਸ਼ ਸੈਕਟਰ ਵਿਚ ਆਪਸੀ ਸਹਿਯੋਗ ਨੂੰ ਸਥਾਪਿਤ ਕਰਨ ਦੀ ਲੋੜ ਹੈ।
ਕਾਰਨੀ ਨੇ ਕਿਹਾ ਕਿ ਹੁਣ ਦਾ ਕੈਨੇਡਾ ਬਿਲਕੁਲ ਵੱਖਰਾ, ਮਜਬੂਤ ਅਤੇ ਵਧੇਰੇ ਆਤਮ-ਵਿਸ਼ਵਾਸੀ ਹੈ। Energy ਦੇ ਖੇਤਰ ਵਿਚ ਕੈਨੇਡਾ ਦੀ ਅਹਿਮੀਅਤ ਨੂੰ ਅਮਰੀਕਾ ਅੱਗੇ ਪੇਸ਼ ਕਰਦਿਆਂ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕੈਨੇਡਾ ਇਸ ਮਾਮਲੇ ਵਿਚ ਅਮਰੀਕਾ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਸਭ ਤੋਂ ਭਰੋਸੇਮੰਦ ਸਾਥੀ ਹੈ। ਇਸ ਦੇ ਨਾਲ ਹੀ ਉਹਨਾਂ Chinese EVs ਦੇ ਕੈਨੇਡੀਅਨ ਬਾਜ਼ਾਰ ਵਿਚ ਪ੍ਰਵੇਸ਼ ਕਰਨ ਦੇ ਸੰਵੇਦਨਸ਼ੀਲ ਮੁੱਦੇ 'ਤੇ ਬੋਲਦਿਆਂ ਕਿਹਾ ਕਿ ਇਤਿਹਾਸਕ ਤੌਰ 'ਤੇ ਇਹ ਸਾਰੀਆਂ ਗੱਡੀਆਂ ਟੇਸਲਾ ਕੰਪਨੀ ਦੀਆਂ ਹੀ ਰਹੀਆਂ ਹਨ, ਜੋ ਚੀਨ ਵਿਚ ਬਣਦੀਆਂ ਹਨ।
ਉਨ੍ਹਾਂ ਕਿਹਾ ਕਿ Short term ਵਿਚ ਕੈਨੇਡਾ ਆਉਣ ਵਾਲੀਆਂ ਜ਼ਿਆਦਾਤਰ ਚਾਈਨੀਜ਼ ਈ.ਵੀ.ਵੀ ਟੇਸਲਾ ਦੀਆਂ ਹੀ ਹੋਣ ਦੀ ਉਮੀਦ ਹੈ। ਉਨ੍ਹਾਂ ਭਰੋਸਾ ਜਤਾਇਆ ਕਿ ਆਉਣ ਵਾਲੇ ਸਮੇਂ ਵਿਚ ਕੈਨੇਡੀਅਨ ਨੂੰ ਲੋਅਰ ਕੋਸਟ ਅਤੇ ਵਿਸ਼ਾਲ ਰੇਂਜ ਵਾਲੀਆਂ ਗੱਡੀਆਂ ਮਿਲਣਗੀਆਂ ਪਰ ਇਹ ਸਾਰੀ ਪ੍ਰਕਿਰਿਆ ਇੱਕ ਕੰਟਰੋਲ ਵੇਅ ਨਾਲ ਚਲਾਈ ਜਾਵੇਗੀ।
