ਪ੍ਰਧਾਨ ਮੰਤਰੀ ਮੋਦੀ ਨੇ ਵਿਸ਼ਵ ਦੇ ਸਭ ਤੋਂ ਉੱਚੇ ਰੇਲਵੇ ਪੁਲ ਦਾ ਕੀਤਾ ਉਦਘਾਟਨ

ਭਾਰਤ ਵਿਚ ਪ੍ਰਧਾਨ ਮੰਤਰੀ ਮੋਦੀ ਨੇ ਸ਼ੁੱਕਰਵਾਰ ਨੂੰ ਪਹਿਲਗਾਮ ਹਮਲੇ ਤੋਂ ਬਾਅਦ ਪਹਿਲੀ ਵਾਰ ਜੰਮੂ-ਕਸ਼ਮੀਰ ਦਾ ਦੌਰਾ ਕੀਤਾ। ਇੱਥੇ ਉਨ੍ਹਾਂ ਰਿਆਸੀ ਜ਼ਿਲ੍ਹੇ ਵਿਚ ਝਨਾਅ ਦਰਿਆ 'ਤੇ ਬਣੇ ਦੁਨੀਆ ਦੇ ਸਭ ਤੋਂ ਉੱਚੇ ਰੇਲਵੇ ਪੁਲ ਦਾ ਤਿਰੰਗਾ ਲਹਿਰਾ ਕੇ ਉਦਘਾਟਨ ਕੀਤਾ।

ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਟੜਾ ਵਿਚ ਕਸ਼ਮੀਰ ਦੀ ਪਹਿਲੀ ਰੇਲਗੱਡੀ ਕਟੜਾ-ਸ਼੍ਰੀਨਗਰ ਵੰਦੇ ਭਾਰਤ ਨੂੰ ਹਰੀ ਝੰਡੀ ਦਿਖਾਈ। ਮੋਦੀ ਨੇ ਕਟੜਾ ਵਿਚ 42 ਮਿੰਟ ਦਾ ਭਾਸ਼ਣ ਦਿੱਤਾ। ਇਸ ਵਿਚ ਉਨ੍ਹਾਂ ਨੇ ਅੱਤਵਾਦ, ਪਾਕਿਸਤਾਨ ਅਤੇ ਕਸ਼ਮੀਰ ਦੇ ਸੈਰ-ਸਪਾਟੇ ਦਾ ਜ਼ਿਕਰ ਕੀਤਾ।

ਗੌਰਤਲਬ ਹੈ ਕਿ ਝਨਾਅ ਦਰਿਆ 'ਤੇ ਮੋਦੀ ਵਲੋਂ ਉਦਾਘਟਨ ਕੀਤਾ ਗਿਆ ਪੁਲ ਆਈਫ਼ਲ ਟਾਵਰ ਤੋਂ ਵੀ ਉੱਚਾ ਹੈ, ਜੋ 266 ਕਿਲੋਮੀਟਰ ਪ੍ਰਤੀ ਘੰਟਾ ਦੇ ਤੂਫਾਨ ਤੋਂ ਲੈ ਕੇ ਭੂਚਾਲ-ਧਮਾਕੇ ਤੱਕ ਸਹਿਣ ਕਰ ਸਕਦਾ ਹੈ।