ਪੀ. ਐੱਮ. ਮੋਦੀ ਨੇ ਵਾਰਾਣਸੀ ਤੋਂ ਜਿੱਤ ਕੇ ਬਣਾਈ ਹੈਟ੍ਰਿਕ

ਪੀ. ਐੱਮ. ਮੋਦੀ ਵਾਰਾਣਸੀ ਤੋਂ ਕਾਂਗਰਸ ਉਮੀਦਵਾਰ ਅਜੇ ਰਾਇ ਤੋਂ 1.5 ਲੱਖ ਤੋਂ ਵੱਧ ਵੋਟਾਂ ਨਾਲ ਜਿੱਤੇ, ਇਹ ਉਨ੍ਹਾਂ ਦੀ ਇੱਥੋਂ ਲਗਾਤਾਰ ਤੀਜੀ ਵਾਰ ਜਿੱਤ ਹੈ।

ਪੀ. ਐੱਮ. ਦੀ ਹੈਟ੍ਰਿਕ ਦੇ ਬਾਵਜੂਦ ਇਸ ਵਾਰ ਭਾਜਪਾ ਆਪਣੇ ਦਮ 'ਤੇ ਬਹੁਮਤ ਤੋਂ 32 ਸੀਟਾਂ ਨਾਲ ਪਛੜਦੀ ਦਿਸ ਰਹੀ ਹੈ।ਪੀ. ਐੱਮ. ਮੋਦੀ ਨੂੰ 6,12,970 ਵੋਟਾਂ ਮਿਲੀਆਂ, ਜਦਕਿ ਕਾਂਗਰਸ ਉਮੀਦਵਾਰ ਨੂੰ 4,80,457 ਵੋਟਾਂ ਮਿਲੀਆਂ। ਬਸਪਾ ਉਮੀਦਵਾਰ ਅਥਰ ਜਮਾਲ ਲਾਰੀ ਨੂੰ 33,766 ਵੋਟਾਂ ਮਿਲੀਆਂ। ਇੱਥੋਂ 8,478 ਵੋਟਾਂ ਨੋਟਾ ਲਈ ਗਈਆਂ।

2019 ਵਿਚ ਪੀ. ਐੱਮ. ਨੂੰ 63 ਫੀਸਦੀ ਵੋਟਾਂ ਮਿਲੀਆਂ ਸਨ ਅਤੇ ਉਹ 4.79 ਲੱਖ ਵੋਟਾਂ ਦੇ ਫਰਕ ਨਾਲ ਜਿੱਤੇ ਸਨ। 2014 ਵਿੱਚ 3.50 ਲੱਖ ਵੋਟਾਂ ਦੇ ਫਰਕ ਨਾਲ ਜਿੱਤ ਹਾਸਿਲ ਕੀਤੀ ਸੀ।