29.7C Vancouver 29.7C VancouverMar 30, 2021 5:22 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਫਾਈਜ਼ਰ-ਬਾਇਓਐਨਟੈਕ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ 5 ਮਿਲੀਅਨ ਵੈਕਸੀਨ ਦੀ ਡਿਲੀਵਰੀ ਸਮੇਂ ਤੋਂ ਪਹਿਲਾਂ ਕਰਨ ਲਈ ਤਿਆਰੀ ਵਿੱਚ ਹਨ।
ਉਨ੍ਹਾਂ ਦੱਸਿਆ ਕਿ ਹੁਣ ਇਹਨਾਂ ਖੁਰਾਕਾਂ ਦੀ ਡਿਲੀਵਰੀ ਜੂਨ ਵਿੱਚ ਹੀ ਹੋ ਜਾਵੇਗੀ।
ਇਸ ਦੇ ਨਾਲ ਜੂਨ ਮਹੀਨੇ ਦੇ ਅੰਤ ਤਕ ਫਾਈਜ਼ਰ ਵੈਕਸੀਨ ਦੀ ਡਿਲੀਵਰੀ ਸੰਬੰਧੀ ਗਿਣਤੀ 18 ਮਿਲੀਅਨ ਤਕ ਪਹੁੰਚ ਜਾਵੇਗੀ।
ਪ੍ਰਧਾਨ ਮੰਤਰੀ ਨੇ ਯਾਦ ਦਵਾਇਆ ਕਿ ਇੱਕ ਪਾਸੇ ਵੈਕਸੀਨੇਸ਼ਨ 'ਚ ਵਾਧੇ ਕਾਰਨ ਪੈਂਡੈਮਿਕ ਦਾ ਅੰਤ ਵਿਖਾਈ ਦੇਣ ਲੱਗਾ ਹੈ ਪਰ ਉਨ੍ਹਾਂ ਕਿਹਾ ਕਿ ਇਸ ਵਿਚਾਲੇ ਵਾਇਰਸ ਵੇਰੀਐਂਟਸ ਦੇ ਵਧਦੇ ਮਾਮਲੇ ਖਤਰੇ ਦਾ ਸੰਕੇਤ ਹਨ।
ਉਨ੍ਹਾਂ ਕਿਹਾ ਸਭ ਨੂੰ ਸਚੇਤ ਰਹਿਣ ਦੀ ਲੋੜ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਬੁੱਧਵਾਰ ਨੂੰ ਚੋਟੀ ਦੇ ਸਿਹਤ ਅਧਿਕਾਰੀ ਇੱਕ ਫੇਸਬੁੱਕ ਦੇ ਲਾਈਵ ਈਵੈਂਟ 'ਚ ਹਿੱਸਾ ਲੈਣਗੇ।
ਇਹ ਈਵੈਂਟ ਵੈਕਸੀਨ ਸੇਫਟੀ ਸੰਬੰਧੀ ਹੋਵੇਗਾ।
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਨੇ ਕਿਹਾ ਹੈ ਕਿ ਵਧੇਰੇ ਤੇਜ਼ ਹੋਈ ਸਮੇਂ-ਸੀਮਾ ਨਾਲ ਜੂਨ ਦੇ ਅੰਤ ਤਕ ਕੈਨੇਡਾ ਕੋਲ ਕੁੱਲ 44 ਮਿਲੀਅਨ ਖੁਰਾਕਾਂ ਦੀ ਡਿਲੀਵਰੀ ਹੋ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਇੰਨੀ ਗਿਣਤੀ 'ਚ ਖੁਰਾਕਾਂ ਦੀ ਉਪਲਬਧਤਾ ਹੋਵੇਗੀ ਕਿ ਕੈਨੇਡਾ ਡੇਅ ਤਕ ਦੇਸ਼ ਦੇ ਸਾਰੇ ਵੈਕਸੀਨ ਹਾਸਿਲ ਕਰਨ ਦੇ ਚਾਹਵਾਨਾਂ ਨੂੰ ਇਸ ਦੀ ਇੱਕ-ਇੱਕ ਖੁਰਾਕ ਹਾਸਿਲ ਹੋ ਸਕੇਗੀ।
