ਪ੍ਰਧਾਨ ਮੰਤਰੀ ਟਰੂਡੋ ਨੇ ਰੀਮੈਂਬਰੈਂਸ ਡੇਅ ਲਈ ਰਾਸ਼ਟਰੀ ਝੰਡੇ ਨੂੰ ਉੱਤੇ ਚੁੱਕਣ ਅਤੇ ਫਿਰ ਹੇਠਾਂ ਕਰਨ ਸੰਬੰਧੀ ਕਿਸੇ ਹੱਲ 'ਤੇ ਪਹੁੰਚਣ ਦਾ ਜਤਾਇਆ ਭਰੋਸਾ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਕਿਸੇ ਹੱਲ ਤਕ ਪਹੁੰਚਿਆ ਜਾ ਸਕਦਾ ਹੈ, ਜਿਸ ਤਹਿਤ ਰੀਮੈਂਬਰੈਂਸ ਡੇਅ ਤੋਂ ਪਹਿਲਾਂ ਰਾਸ਼ਟਰੀ ਝੰਡੇ ਨੂੰ ਇੱਕ ਵਾਰ ਪੂਰੀ ਤਰ੍ਹਾਂ ਫਹਿਰਾਇਆ ਜਾ ਸਕੇ ਅਤੇ ਫਿਰ ਇਸ ਦਿਹਾੜੇ ਮੌਕੇ ਜਗ੍ਹਾ-ਜਗ੍ਹਾ ਹਾਫ ਮਾਸਟ 'ਤੇ ਫਹਿਰਾਇਆ ਜਾ ਸਕੇ ਅਤੇ ਫਿਰ ਇਸ ਦਿਹਾੜੇ ਤੋਂ ਬਾਅਦ, ਝੰਡੇ ਨੂੰ ਮੁੜ ਤੋਂ ਹੇਠਾਂ ਕੀਤਾ ਜਾ ਸਕੇ।

ਸਕੌਟਲੈਂਡ 'ਚ ਯੂ.ਐਨ. ਕਲਾਈਮੇਟ ਕਾਨਫਰੰਸ ਦੌਰਾਨ ਟਰੂਡੋ ਤੋਂ ਰੀਮੈਂਬਰੈਂਸ ਡੇਅ ਮੌਕੇ ਇੰਡੀਜਨਸ ਗਰੁੱਪਸ ਨਾਲ ਸੰਬੰਧਤ ਸਵਾਲ ਕੀਤੇ ਗਏ ਸਨ।

ਪੁੱਛਿਆ ਗਿਆ ਸੀ ਕਿ ਦੇਸ਼ ਦੇ ਵੈਟਰਨਸ ਅਤੇ ਜੰਗਾਂ 'ਚ ਜਾਨ ਗਵਾਉਣ ਵਾਲੇ ਅਤੇ ਯੋਗਦਾਨ ਪਾਉਣ ਵਾਲਿਆਂ ਲਈ ਝੰਡੇ ਨੂੰ ਫਹਿਰਾਉਣ 'ਤੇ ਸਹਿਮਤੀ ਹੋ ਸਕੇਗੀ।

ਯਾਦ ਰਹੇ ਕੈਨੇਡਾ 'ਚ ਸਰਕਾਰੀ ਇਮਾਰਤਾਂ 'ਤੇ ਇਸ ਸਾਲ ਮਈ ਮਹੀਨੇ ਤੋਂ ਦੇਸ਼ ਦੇ ਝੰਡੇ ਨੂੰ ਹਾਫ ਮਾਸਟ 'ਤੇ ਰੱਖਿਆ ਗਿਆ ਹੈ।

ਬੀ.ਸੀ. ਦੇ ਕੈਮਲੂਪਸ ਅਤੇ ਦੇਸ਼ ਦੇ ਕੁਝ ਹੋਰ ਇਲਾਕਿਆਂ 'ਚ ਅਨਮਾਰਕਡ ਗ੍ਰੇਵਸ ਮਿਲਣ ਤੋਂ ਬਾਅਦ ਅਜਿਹਾ ਕੀਤਾ ਗਿਆ ਸੀ।