13C Vancouver 13C VancouverApr 20, 2021 10:38 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਉਹ ਫਾਰਮੇਸੀ 'ਤੇ ਅਪਾਇੰਟਮੈਂਟ ਹਾਸਿਲ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ, ਤਾਂ ਜੋ ਉਨ੍ਹਾਂ ਨੂੰ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੀ ਡੋਜ਼ ਹਾਸਿਲ ਹੋ ਸਕੇ।
ਟਰੂਡੋ ਦੀ ਉਮਰ 49 ਸਾਲ ਹੈ ਅਤੇ ਫ੍ਰੀਲੈਂਡ ਦੀ ਉਮਰ 52 ਸਾਲ ਹੈ।
ਔਂਟੈਰੀਓ 'ਚ ਕੋਵਿਡ-19 ਵੈਕਸੀਨ ਹਾਸਿਲ ਕਰਨ ਲਈ 40 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕ ਐਲੀਜੀਬਲ ਹੋ ਗਏ ਹਨ, ਜਿਸ ਤੋਂ ਬਾਅਦ ਹੁਣ ਟਰੂਡੋ ਅਤੇ ਫ੍ਰੀਲੈਂਡ ਉਸ ਸੂਚੀ 'ਚ ਆ ਗਏ ਹਨ, ਜਿੰਨਾ ਨੂੰ ਵੈਕਸੀਨ ਹਾਸਿਲ ਹੋ ਸਕਦੀ ਹੈ।
ਟਰੂਡੋ ਨੇ ਕਿਹਾ ਕਿ ਉਹ ਵੈਕਸੀਨ ਹਾਸਿਲ ਕਰਨ ਲਈ ਉਤਸ਼ਾਹਿਤ ਹਨ ਪਰ ਫਿਲਹਾਲ ਉਹ ਇਸ ਨੂੰ ਹਾਸਿਲ ਕਰਨ ਦੇ ਸਮੇਂ ਬਾਰੇ ਪਤਾ ਨਹੀਂ ਕਰ ਸਕੇ ਹਨ।
ਉਧਰ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਲਈ ਉਨ੍ਹਾਂ ਦੇ ਬੱਚੇ ਅਪਾਇੰਟਮੈਂਟ ਹਾਸਿਲ ਕਰਨ ਲਈ ਔਨਲਾਈਨ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਉਹ ਵੇਟਲਿਸਟ 'ਤੇ ਹਨ।
ਹੋਟਲ ਕੁਆਰੰਟੀਨ ਦੇ ਨਿਯਮ ਮਈ ਤਕ ਰਹਿਣਗੇ ਲਾਗੂ
ਫੈਡਰਲ ਸਰਕਾਰ ਵੱਲੋਂ ਅੰਤਰਰਾਸ਼ਟਰੀ ਯਾਤਰਾ ਕਰ ਕੇ ਆ ਰਹੇ ਹਵਾਈ ਯਾਤਰੀਆਂ ਲਈ ਹੋਟਲ ਕੁਆਰੰਟੀਨ ਦੇ ਨਿਯਮਾਂ ਦੀ ਸਮੇਂ-ਸੀਮਾ ਨੂੰ ਵਧਾ ਦਿੱਤਾ ਹੈ।
ਹੁਣ ਇਹ ਨਿਯਮ 21 ਮਈ ਤਕ ਲਾਗੂ ਰਹਿਣਗੇ। ਅੰਤਰਰਾਸ਼ਟਰੀ ਯਾਤਰਾ ਕਰ ਕੇ ਆ ਰਹੇ ਸਾਰੇ ਹਵਾਈ ਯਾਤਰੀਆਂ ਨੂੰ ਕਿਸੇ ਡਾਇਜ਼ਗਨੇਟਿਡ ਹੋਟਲ 'ਚ 3 ਦਿਨ ਲਈ ਕੁਆਰੰਟੀਨ ਕਰਨਾ ਜ਼ਰੂਰੀ ਹੈ, ਜਦ ਤਕ ਕਿ ਉਨ੍ਹਾਂ ਦੇ ਕੋਵਿਡ-19 ਟੈਸਟ ਨਤੀਜੇ ਨੈਗੇਟਿਵ ਨਾ ਆ ਜਾਣ।
