18.34C Vancouver 18.34C VancouverApr 11, 2022 9:09 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅੱਜ ਬੀ.ਸੀ. ਦੀ ਰਾਜਧਾਨੀ ਵਿਕਟੋਰੀਆ ਪਹੁੰਚੇ ਹੋਏ ਹਨ।
ਵਿਕਟੋਰੀਆ 'ਚ ਟਰੂਡੋ ਨੇ ਇਲੈਕਟ੍ਰਿਕ ਵਾਹਨਾਂ 'ਤੇ ਨਿਰਭਰਤਾ ਵਧਾਉਣ ਸੰਬੰਧੀ ਗੱਲਬਾਤ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਐਮਿਸ਼ਨਸ ਨੂੰ ਘਟਾਉਣ ਲਈ ਅਤੇ ਸਾਫ ਵਾਤਾਵਰਨ ਸਥਾਪਿਤ ਕਰਨ ਲਈ ਗੈਸ ਦੇ ਵਾਹਨਾਂ 'ਤੇ ਨਿਰਭਰਤਾ ਘਟਾਉਣੀ ਜਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਤਹਿਤ ਇਲੈਕਟਰਿਕ ਵਾਹਨਾਂ ਦੀ ਖਰੀਦ ਆਸਾਨ ਬਣਾਈ ਜਾਵੇਗੀ ਅਤੇ ਇਸ ਦੇ ਨਾਲ ਹੀ ਵਧੇਰੇ ਚਾਰਜਰ ਉਪਲਬਧਤਾ ਨੂੰ ਵੀ ਮੁਮਕਿਨ ਬਣਾਇਆ ਜਾਵੇਗਾ।
ਟਰੂਡੋ ਨੇ ਕਿਹਾ ਕਿ ਇਲੈਕਟਰਿਕ ਵਾਹਨਾਂ ਦੀ ਖਰੀਦ ਲਈ ਜਾਰੀ ਪ੍ਰੋਗਰਾਮ ਨੂੰ $5,000 ਤਕ ਵਧਾਇਆ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਸਾਲ 2026 ਤਕ ਮੈਂਡੇਟੋਰੀ ਸੇਲਸ ਟਾਰਗੈਟ ਤਹਿਤ 20% ਵਿਕਰੀ, ਸਾਲ 2030 ਤਕ 60% ਅਤੇ ਸਾਲ 2035 ਤਕ 100% ਤਕ ਪਹੁੰਚਾਉਣ ਦਾ ਟੀਚਾ ਹੈ।
ਟਰੂਡੋ ਨੇ ਕਿਹਾ ਕਿ ਅਸੀਂ ਈ.ਵੀ.'ਸ ਨੂੰ ਚਾਰਜ ਕਰਨਾ ਵੀ ਸੌਖਾ ਬਣਾਵਾਂਗੇ ਅਤੇ ਇਸ ਤਹਿਤ ਚਾਰਜਰਸ ਦਾ ਇੱਕ ਨੈਸ਼ਨਲ ਨੈਟਵਰਕ ਤਿਆਰ ਕੀਤਾ ਜਾ ਰਿਹਾ ਹੈ।
