14.25C Vancouver 14.25C VancouverJun 27, 2022 7:06 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਰੂਸ ਅਤੇ ਬੇਲਾਰੂਸ ਨਾਲ ਸੰਬੰਧਤ 74 ਹੋਰ ਲੋਕਾਂ ਅਤੇ ਵਪਾਰਾਂ 'ਤੇ ਪਬੰਦੀਆਂ ਦਾ ਐਲਾਨ ਕੀਤਾ ਗਿਆ ਹੈ।
ਇਸ 'ਚ ਰੂਸ ਦੇ ਡਿਫੈਂਸ ਸੈਕਟਰ ਨਾਲ ਸੰਬੰਧਤ 46 ਲੋਕ ਸ਼ਾਮਿਲ ਹਨ।
ਇਸ ਤੋਂ ਇਲਾਵਾ ਰੂਸ ਦੀਆਂ ਗਤੀਵਿਧੀਆਂ ਦਾ ਪੱਖ ਲੈ ਰਹੇ 15 ਯੁਕਰੇਨੀਅਨ ਲੋਕਾਂ 'ਤੇ ਵੀ ਪਬੰਦੀਆਂ ਲਗਾਈਆਂ ਗਈਆਂ ਹਨ।
ਟਰੂਡੋ ਨੇ ਨਾਲ ਹੀ ਕਿਹਾ ਕਿ ਕੈਨੇਡਾ ਦਾ ਪਲੈਨ ਹੈ ਕਿ ਸਟੇਟ ਸਪੌਂਸਰਡ ਪ੍ਰੌਪੇਗੈਂਡਾ ਏਜੈਂਟਸ 'ਤੇ ਵੀ ਪਬੰਦੀਆਂ ਲਗਾਈਆਂ ਜਾਣ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਕ੍ਰੈਮਲਿਨ ਵੱਲੋਂ ਦਿੱਤੀ ਜਾ ਰਹੀ ਗਲਤ ਜਾਣਕਾਰੀ ਨੂੰ ਕਾਊਂਟਰ ਕੀਤਾ ਜਾ ਸਕੇਗਾ।
ਇਹ ਐਲਾਨ ਅਜਿਹੇ ਮੌਕੇ ਕੀਤਾ ਗਿਆ ਹੈ ਜਦ ਜਰਮਨੀ 'ਚ ਜੀ-7 ਲੀਡਰਾਂ ਦੀ ਬੈਠਕ 'ਚ ਯੂਕਰੇਨ 'ਤੇ ਹਮਲੇ ਕਾਰਨ ਗਲੋਬਲ ਸਟੇਬਿਲਿਟੀ ਲਈ ਖੜੇ ਹੋਏ ਖਤਰੇ 'ਤੇ ਚਰਚਾ ਹੋ ਰਹੀ ਹੈ।
