23C Vancouver 23C VancouverFeb 25, 2021 12:45 AM -
ਅੱਜ ਕਵਸਚਨ ਪੀਰੀਅਡ ਦੌਰਾਨ ਵਿਰੋਧੀ ਪਾਰਟੀ ਦੇ ਲੀਡਰ, ਐਰਿਨ ਓ'ਟੂਲ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਪਲੈਨ ਹੈ ਕਿ 8% ਕਨੇਡੀਅਨ ਲੋਕਾਂ ਨੂੰ ਅਪ੍ਰੈਲ ਦੇ ਅੰਤ ਤਕ ਵੈਕਸੀਨੇਟ ਕੀਤਾ ਜਾਵੇ।
ਪਰ ਉਨ੍ਹਾਂ ਕਿਹਾ ਕਿ ਇਜ਼ਰਾਈਲ 'ਚ 85% ਲੋਕਾਂ ਨੂੰ ਵੈਕਸੀਨੇਟ ਕੀਤਾ ਜਾ ਚੁੱਕਾ ਹੈ।
ਉਨ੍ਹਾਂ ਕਿਹਾ ਕਿ ਅਮਰੀਕਾ 'ਚ ਵੀ ਹਰ ਰੋਜ਼ 2 ਮਿਲੀਅਨ ਲੋਕ ਵੈਕਸੀਨੇਟ ਕੀਤੇ ਜਾ ਰਹੇ ਹਨ।
ਓ'ਟੂਲ ਨੇ ਪੁੱਛਿਆ ਕਿ ਪ੍ਰਧਾਨ ਮੰਤਰੀ ਨੂੰ ਅਜਿਹਾ ਕਿਉਂ ਲਗਦਾ ਹੈ ਕਿ 8% ਲੋਕਾਂ ਨੂੰ ਵੈਕਸੀਨੇਟ ਕਰਨਾ ਕੋਈ ਮਹਾਨ ਕੰਮ ਹੈ।
ਇਸ 'ਤੇ ਜਵਾਬ ਦਿੰਦਿਆਂ ਪ੍ਰਧਾਨ ਮੰਤਰੀ ਟਰੂਡੋ ਨੇ ਕਿਹਾ ਕਿ ਕੈਨੇਡਾ 'ਚ ਲਗਾਤਾਰ ਵੈਕਸੀਨ ਖੁਰਾਕਾਂ ਪਹੁੰਚ ਰਹੀਆਂ ਹਨ।
ਉਨ੍ਹਾਂ ਕਿਹਾ ਕਿ ਮਾਰਚ ਦੀ ਸ਼ੁਰੂਆਤ 'ਚ ਮੌਡਰਨਾ ਵੈਕਸੀਨ ਦੀਆਂ 460,000 ਤੋਂ ਵੱਧ ਅਤੇ ਮਾਰਚ ਦੇ ਆਖਰੀ ਹਫ਼ਤੇ ਦੌਰਾਨ ਇਸੇ ਵੈਕਸੀਨ ਦੀਆਂ 840,000 ਤੋਂ ਵੱਧ ਵੈਕਸੀਨ ਪਹੁੰਚ ਰਹੀਆਂ ਹਨ।
ਉਨ੍ਹਾਂ ਕਿਹਾ ਕਿ ਇਸ ਦਾ ਅਰਥ ਹੈ ਕਿ ਸਾਲ ਦੇ ਪਹਿਲੇ ਕੁਆਟਰ ਵਿਚਾਲੇ ਕੈਨੇਡਾ 'ਚ 2 ਮਿਲੀਅਨ ਤੋਂ ਵਧੇਰੇ ਵੈਕਸੀਨ ਡੋਜ਼ ਪਹੁੰਚ ਚੁੱਕੀਆਂ ਹੋਣਗੀਆਂ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅਪ੍ਰੈਲ ਦੇ ਪਹਿਲੇ 2 ਹਫ਼ਤਿਆਂ ਦੌਰਾਨ ਫਾਈਜ਼ਰ ਬਾਈਓਐਨਟੈਕ ਦੀ ਵੈਕਸੀਨ ਦੀਆਂ 1.5 ਮਿਲੀਅਨ ਤੋਂ ਵੱਧ ਵੈਕਸੀਨ ਖੁਰਾਕਾਂ ਪਹੁੰਚ ਜਾਣਗੀਆਂ।
