13.95C Vancouver 13.95C VancouverSep 25, 2020 6:57 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ ਬੇਹੱਦ ਨਿਰਾਸ਼ ਹਨ ਕਿ ਪੈਂਡੇਮਿਕ ਦਰਮਿਆਨ ਸਿੱਖ ਆਰ.ਸੀ.ਐੱਮ.ਪੀ. ਅਫ਼ਸਰਾਂ ਦੀਆਂ ਡਿਊਟੀਆਂ 'ਚ ਬਦਲਾਅ ਕੀਤਾ ਗਿਆ ਹੈ।
ਅਜਿਹੇ ਫੈਸਲੇ ਪਿੱਛੇ, ਸਿੱਖ ਅਫ਼ਸਰਾਂ ਦੇ ਚਿਹਰੇ ਦੇ ਵਾਲਾਂ ਕਾਰਨ ਮਾਸਕ ਨੂੰ ਚੰਗੀ ਤਰ੍ਹਾਂ ਪਹਿਨਣ 'ਚ ਪ੍ਰੇਸ਼ਾਨੀ ਨੂੰ ਵਜ੍ਹਾ ਦੱਸਿਆ ਗਿਆ ਹੈ।
ਵਰਲਡ ਸਿੱਖ ਅਰਗੇਨਾਈਜ਼ੇਸ਼ਨ ਆਫ ਕੈਨੇਡਾ ਦਾ ਕਹਿਣਾ ਹੈ ਕਿ ਅਫ਼ਸਰਾਂ ਨੂੰ ਕਰੀਬ 6 ਮਹੀਨੇ ਲਈ ਡੈਸਕ ਡਿਊਟੀ 'ਤੇ ਲਗਾਇਆ ਗਿਆ ਹੈ, ਕਿਉਂਕਿ ਆਰ.ਸੀ.ਐੱਮ.ਪੀ. ਨੇ ਵੇਖਿਆ ਕਿ ਐਨ-100 ਮਾਸਕ ਚਿਹਰੇ ਦੇ ਵਾਲਾਂ ਕਾਰਨ ਸਹੀ ਤਰ੍ਹਾਂ ਫਿੱਟ ਨਹੀਂ ਹੋ ਰਹੇ ਸਨ।
ਔਰਗੇਨਾਈਜ਼ੇਸ਼ਨ ਦਾ ਕਹਿਣਾ ਹੈ ਕਿ ਸਿੱਖ ਅਫ਼ਸਰਾਂ ਨੂੰ ਹੋਰ ਸੁਰੱਖਿਅਤ ਕਵਰਿੰਗਸ ਦੇ ਨਾਲ ਚਿਹਰੇ ਢਕਣ ਦੀ ਵਿਵਸਥਾ ਨਹੀਂ ਕੀਤੀ ਜਾ ਸਕੀ ਹੈ।
ਟਰੂਡੋ ਦਾ ਕਹਿਣਾ ਹੈ ਕਿ ਸਿਹਤ ਅਤੇ ਸੁਰੱਖਿਆ ਸੰਬੰਧੀ ਰੈਗੂਲੇਸ਼ਨਾਂ ਬੇਹੱਦ ਜ਼ਰੂਰੀ ਹਨ, ਅਤੇ ਦੇਸ਼ ਦੀਆਂ ਸਾਰੀਆਂ ਕੰਮ ਦੀਆਂ ਥਾਵਾਂ 'ਤੇ ਇਸ ਦੀ ਪਾਲਣਾ ਹੋਣੀ ਚਾਹੀਦੀ ਹੈ।
ਪਰ ਉਨ੍ਹਾਂ ਇਹ ਵੀ ਕਿਹਾ ਕਿ ਬਹੁਤ ਸਾਰੀਆਂ ਕੰਮ ਦੀਆਂ ਥਾਵਾਂ, ਬਿਨਾ ਕਿਸੇ ਕਰਮਚਾਰੀ ਨਾਲ ਪੱਖਪਾਤ ਕੀਤੇ, ਸਿਹਤ ਨਿਰਦੇਸ਼ਾਂ ਦੀ ਪਾਲਣਾ ਕਰਨ 'ਚ ਕਾਮਯਾਬ ਰਹੇ ਹਨ।
ਟਰੂਡੋ ਨੇ ਕਿਹਾ ਕਿ ਆਰ.ਸੀ.ਐੱਮ.ਪੀ. ਵੱਲੋਂ ਲਿਆ ਗਿਆ ਫੈਸਲਾ ਨਹੀਂ ਲਿਆ ਜਾਣਾ ਚਾਹੀਦਾ ਸੀ, ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਇਸ 'ਚ ਸੁਧਾਰ ਕੀਤਾ ਜਾਵੇਗਾ।
