19.37C Vancouver 19.37C VancouverJan 5, 2022 8:29 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਾਲ ਦੀ ਪਹਿਲੀ ਕੋਵਿਡ ਅਪਡੇਟ ਸਾਂਝੀ ਕੀਤੀ ਹੈ।
ਇਸ ਦੌਰਾਨ ਟਰੂਡੋ ਨੇ ਦੇਸ਼ਵਾਸੀਆਂ ਨੂੰ ਕਿਹਾ ਕਿ ਉਹ ਸਮਝਦੇ ਹਨ ਕਿ ਲੋਕ ਵਾਇਰਸ ਦੇ ਫੈਲਾਅ ਅਤੇ ਪਬੰਦੀਆਂ ਵਿਚਾਲੇ ਅੱਕ ਚੁੱਕੇ ਹਨ।
ਟਰੂਡੋ ਨੇ ਕਿਹਾ ਕਿ ਵਾਇਰਸ ਦੇ ਫੈਲਾਅ ਸੰਬੰਧੀ ਜਾਣਕਾਰੀਆਂ ਦਿੰਦੇ ਹੋਏ ਹੁਣ 2 ਸਾਲ ਹੋ ਚੁੱਕੇ ਹਨ ਅਤੇ ਲੋਕ ਸਮਝਦੇ ਹਨ ਕਿ ਆਪਣੇ ਕਰੀਬੀਆਂ ਅਤੇ ਪਰਿਵਾਰਿਕ ਮੈਂਬਰਾਂ ਨੂੰ ਕਿਵੇਂ ਸੁਰੱਖਿਅਤ ਰੱਖਣਾ ਹੈ।
ਉਨ੍ਹਾਂ ਕਿਹਾ ਕਿ ਲੋਕ ਇਹ ਵੀ ਸਮਝਦੇ ਹਨ ਕਿ ਹੈਲਥ ਕੇਅਰ ਸਿਸਟਮ 'ਤੇ ਦਬਾਅ ਪੈਣ ਤੋਂ ਕਿਵੇਂ ਬਚਾਅ ਕਰਨਾ ਹੈ।
ਟਰੂਡੋ ਨੇ ਕਿਹਾ ਕਿ ਜੇਕਰ ਆਪਾਂ ਸਭ ਆਪਣੀਆਂ ਜਿੰਮੇਵਾਰੀਆਂ ਨਿਭਾਉਂਦੇ ਰਹੇ ਤਾਂ ਇੱਕ ਬਿਹਤਰ ਬਸੰਤ ਰੁੱਤ ਵੇਖਣ ਨੂੰ ਮਿਲ ਸਕੇਗੀ।
ਸਨਵਿੰਗ ਫਲਾਈਟ ਦੀ ਘਟਨਾ ਤੋਂ ਪ੍ਰਧਾਨ ਮੰਤਰੀ ਟਰੂਡੋ ਨਿਰਾਸ਼
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਇੱਕ ਫਲਾਈਟ ਸੰਬੰਧੀ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਹੈ ਕਿ ਹਵਾਈ ਜਹਾਜ 'ਤੇ ਬਣੇ ਹਾਲਾਤਾਂ ਤੋਂ ਉਹ ਬੇਹੱਦ ਨਿਰਾਸ਼ ਹਨ।
ਮਾਮਲਾ 30 ਦਿਸੰਬਰ ਦੀ ਮੈਕਸੀਕੋ ਦੀ ਉਡਾਣ ਭਰਨ ਵਾਲੀ ਸਨਵਿੰਗ ਫਲਾਈਟ ਨਾਲ ਸੰਬੰਧਤ ਹੈ।
ਇਸ ਫਲਾਈਟ ਦੇ ਕੁਝ ਵੀਡੀਓ ਉਜਾਗਰ ਹੋਏ ਹਨ, ਜਿਸ 'ਚ ਸਵਾਰੀਆਂ ਨੂੰ ਮਾਸਕ ਪਹਿਨੇ ਬਿਨਾ ਇੱਕ-ਦੂਜੇ ਦੇ ਬੇਹੱਦ ਕਰੀਬ ਵੇਖਿਆ ਜਾ ਸਕਦਾ ਹੈ।
ਕੁਝ ਸਵਾਰੀਆਂ ਨੂੰ ਆਈਲਸ ਜਾਂ ਆਪਣੀਆਂ ਸੀਟਾਂ 'ਤੇ ਗਾਉਂਦੇ ਅਤੇ ਨੱਚਦੇ ਵੇਖਿਆ ਜਾ ਸਕਦਾ ਹੈ।
ਟਰੂਡੋ ਨੇ ਕਿਹਾ ਕਿ ਅਜਿਹਾ ਮਾਮਲਾ ਬੇਹੱਦ ਨਿਰਾਸ਼ ਕਰਨ ਵਾਲਾ ਹੈ।
ਯਾਦ ਰਹੇ ਟਰਾਂਸਪੋਰਟ ਮੰਤਰੀ, ਓਮਰ ਅਲਘਾਬਰਾ ਅਤੇ 3 ਹੋਰ ਕੈਬੀਨੇਟ ਮੈਂਬਰਾਂ ਨੇ ਮੰਗਲਵਾਰ ਨੂੰ ਇੱਕ ਪ੍ਰੈਸ ਰਿਲੀਜ ਜਾਰੀ ਕਰ ਕਿਹਾ ਸੀ ਕਿ ਫਲਾਈਟ ਸੰਬੰਧੀ ਘਟਣ ਦੀ ਜਾਂਚ ਹੋਵੇਗੀ ਅਤੇ ਰੈਗੂਲੇਸ਼ਨਸ ਦੀ ਉਲੰਘਣਾ ਦੇ ਮਾਮਲੇ 'ਚ $5,000 ਤਕ ਦਾ ਜੁਰਮਾਨਾ ਵੀ ਲਗਾਇਆ ਜਾ ਸਕਦਾ ਹੈ।
