15.35C Vancouver 15.35C VancouverJul 21, 2022 7:33 PM - The Canadian Press
ਹੌਕੀ ਕੈਨੇਡਾ ਨੂੰ ਇੱਕ ਵਾਰ ਫਿਰ ਤੋਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਹੱਥੋਂ ਭਾਰੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਜੂਨੀਅਰ ਟੀਮ ਦੇ ਖਿਡਾਰੀਆਂ ਖਿਲਾਫ ਲੱਗੇ ਜਿਨਸੀ ਹਮਲੇ ਦੇ ਇਲਜਾਮਾਂ ਵਿਚਾਲੇ ਹੌਕੀ ਕੈਨੇਡਾ ਦੀ ਮਾਮਲੇ ਨਾਲ ਨਜਿੱਠਣ 'ਚ ਰਹੀ ਭੂਮਿਕਾ 'ਤੇ ਸਵਾਲ ਖੜੇ ਹੋ ਰਹੇ ਹਨ।
ਟਰੂਡੋ ਨੇ ਕਿਹਾ ਕਿ ਹੌਕੀ ਕੈਨੇਡਾ ਦਾ ਬੀਤੇ ਕੁਝ ਸਾਲਾਂ ਅਤੇ ਖਾਸ ਤੌਰ 'ਤੇ ਬੀਤੇ ਕੁਝ ਮਹੀਨਿਆਂ ਦੌਰਾਨ ਦਾ ਵਿਵਹਾਰ ਨਿਰਾਸ਼ਾਜਨਕ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਇੱਕ ਅਜਿਹਾ ਸੰਗਠਨ ਜਿਸ 'ਤੇ ਇੰਨੀਆਂ ਉਮੀਦਾਂ ਟਿਕੀਆਂ ਹੋਣ ਅਤੇ ਯੁਵਾ ਕਨੇਡੀਅਨਸ ਦੇ ਸੁਫਨੇ ਟਿਕੇ ਹੋਣ, ਉਸ ਸੰਗਠਨ ਦਾ ਅਜਿਹਾ ਵਿਵਹਾਰ ਨਿੰਦਣਯੋਗ ਹੈ।
ਟਰੂਡੋ ਨੇ ਇਹ ਟਿੱਪਣੀ ਉਸ ਵੇਲੇ ਕੀਤੀ ਹੈ ਜਦ ਹੌਕੀ ਕੈਨੇਡਾ ਨੇ ਐਲਾਨ ਕੀਤਾ ਹੈ ਕਿ ਸੰਗਠਨ ਵੱਲੋਂ ਜਿਨਸੀ ਹਮਲੇ ਦੇ ਇਲਜਾਮਾਂ ਨੂੰ ਸੈਟਲ ਕਰਨ ਲਈ ਪਲੇਅਰ ਰਿਜਿਸਟ੍ਰੇਸ਼ਨ ਫੀਸ ਨਾਲ ਜੁੜੇ ਫੰਡ ਦੀ ਵਰਤੋਂ ਨਹੀਂ ਕੀਤੀ ਜਾਵੇਗੀ।
ਹਾਲਾਂਕਿ ਟਰੂਡੋ ਨੇ ਕਿਹਾ ਕਿ ਇਹ ਸਹੀ ਦਿਸ਼ਾ 'ਚ ਚੁੱਕਿਆ ਕਦਮ ਹੈ ਪਰ ਉਨ੍ਹਾਂ ਨਾਲ ਹੀ ਕਿਹਾ ਕਿ ਲੋਕ ਇਸ ਸੰਗਠਨ ਤੋਂ ਜਵਾਬਦੇਹੀ, ਪਾਰਦਰਸ਼ਤਾ ਅਤੇ ਸੂਝਬੂਝ ਦੀ ਵਰਤੋਂ ਵੇਖਣਾ ਚਾਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਹੌਕੀ ਕੈਨੇਡਾ ਨੂੰ ਲੋਕਾਂ ਦਾ ਭਰੋਸਾ ਜਿੱਤਣ ਲਈ ਕਾਫੀ ਕੁਝ ਕਰਨ ਦੀ ਲੋੜ ਪਵੇਗੀ।
