14.49C Vancouver 14.49C VancouverJun 8, 2021 8:31 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕੈਨੇਡਾ ਦੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਔਂਟੈਰੀਓ ਦੇ ਲੰਡਨ 'ਚ ਨਫਰਤੀ ਹਿੰਸਾ ਦੇ ਕਾਰਨ ਜਾਨ ਗਵਾਉਣ ਵਾਲੇ ਪਰਿਵਾਰ ਦੇ ਨਾਲ ਖੜਿਆ ਜਾਵੇ।
ਉਨ੍ਹਾਂ ਇਸ ਘਟਨਾ ਨੂੰ ਅੱਤਵਾਦੀ ਹਮਲਾ ਦੱਸਿਆ ਹੈ।
ਟਰੂਡੋ ਨੇ ਅੱਜ ਔਟਵਾ 'ਚ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਕਿਹਾ ਕਿ ਕੈਨੇਡਾ ਦੇ ਲੋਕ ਆਪਣੇ ਪੱਧਰ 'ਤੇ ਨਸਲਵਾਦ ਨੂੰ ਖਤਮ ਕਰਨ ਲਈ ਕੁਝ ਛੋਟੇ ਪਰ ਅਹਿਮ ਕਦਮ ਚੁੱਕ ਸਕਦੇ ਹਨ।
ਐਤਵਾਰ ਦੀ ਘਟਨਾ ਤੋਂ ਬਾਅਦ ਅੱਜ ਲੰਡਨ 'ਚ ਇੱਕ ਵਿਜਿਲ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ ਜਿਸ 'ਚ ਟਰੂਡੋ ਤੋਂ ਇਲਾਵਾ ਐਰਿਨ ਓ'ਟੂਲ, ਜਗਮੀਤ ਸਿੰਘ ਅਤੇ ਕਈ ਹੋਰ ਸਿਆਸਤਦਾਨਾਂ ਅਤੇ ਕਮਿਊਨਿਟੀ ਮੈਂਬਰਾਂ ਦੇ ਪਹੁੰਚਣ ਦੀ ਉਮੀਦ ਹੈ।
ਇੱਕ ਮੁਸਲਿਮ ਪਰਿਵਾਰ ਦੇ 4 ਲੋਕ ਉਸ ਵੇਲੇ ਮਾਰੇ ਗਏ ਸਨ ਜਦ ਪੁਲਿਸ ਅਨੁਸਾਰ ਉਨ੍ਹਾਂ ਨੂੰ ਉਨ੍ਹਾਂ ਦੇ ਧਰਮ ਦੇ ਕਾਰਨ ਨਿਸ਼ਾਨਾ ਬਣਾਇਆ ਗਿਆ ਸੀ ਅਤੇ ਉਨ੍ਹਾਂ 'ਤੇ ਟਰੱਕ ਚੜ੍ਹਾ ਦਿੱਤਾ ਗਿਆ ਸੀ।
ਇਸ ਪਰਿਵਾਰ ਨਾਲ ਸੰਬੰਧਤ 9 ਸਾਲਾ ਬੱਚਾ ਹਸਪਤਾਲ 'ਚ ਦਾਖਿਲ ਹੈ।
ਲੰਡਨ 'ਚ ਮੁਸਲਿਮ ਪਰਿਵਾਰ ਦੇ 4 ਮੈਂਬਰਾਂ 'ਤੇ ਟਰੱਕ ਚੜ੍ਹਾਏ ਜਾਣ ਤੋਂ ਬਾਅਦ ਕੈਨੇਡਾ ਦੀ ਗ੍ਰੀਨ ਪਾਰਟੀ ਲੀਡਰ ਐਨਮੀ ਪੌਲ ਦਾ ਕਹਿਣਾ ਹੈ ਕਿ ਲਿਬਰਲ ਸਰਕਾਰ ਨੂੰ ਰਾਸ਼ਟਰੀ ਐਂਟੀ-ਇਸਲਾਮੋਫੋਬੀਆ ਸਟ੍ਰੇਟਜੀ ਸਥਾਪਿਤ ਕਰਨ ਦੀ ਲੋੜ ਹੈ।
ਪੌਲ ਨੇ ਕਿਹਾ ਕਿ ਮੁਸਲਿਮ ਕਮਿਊਨਿਟੀ ਵੱਲੋਂ ਇੱਕ ਮਜ਼ਬੂਤ ਰਾਸ਼ਟਰੀ ਸਟ੍ਰੇਟਜੀ ਦੀ ਮੰਗ ਕੀਤੀ ਜਾਂਦੀ ਰਹੀ ਹੈ ਜਿਸ 'ਚ ਲਾਅ ਐਨਫੋਰਸਮੈਂਟ, ਸਿੱਖਿਆ ਅਤੇ ਨਫਰਤੀ ਆਈਡੀਔਲੋਜੀ ਨੂੰ ਪ੍ਰਮੋਟ ਕਰਨ ਵਾਲੇ ਲੋਕਾਂ ਦੀ ਪਛਾਣ ਕਰਨ ਜਿਹੇ ਐਲੀਮੈਂਟ ਸ਼ਾਮਿਲ ਹੋਣ।
ਐਨਮੀ ਪੌਲ ਵੀ ਅੱਜ ਰਾਤ ਦੀ ਲੰਡਨ ਦੀ ਵਿਜਿਲ 'ਚ ਸ਼ਾਮਿਲ ਹੋਣ ਪਹੁੰਚ ਰਹੀ ਹਨ।
