23C Vancouver 23C VancouverFeb 26, 2020 9:28 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਟੇਂਦੀਨਾਗਾ ਇਲਾਕੇ 'ਚ ਪ੍ਰਦਰਸ਼ਨਕਾਰੀਆਂ ਵੱਲੋਂ ਕੀਤੇ ਜਾ ਰਹੇ ਕੁਝ ਐਕਸ਼ਨ, ਚਿੰਤਾ ਦਾ ਵਿਸ਼ਾ ਹਨ।
ਸੋਸ਼ਲ ਮੀਡੀਆ 'ਤੇ ਔਂਟੈਰੀਓ ਦੇ ਬੈਲਾਵਿਲ ਇਲਾਕੇ ਦੀ ਇੱਕ ਵੀਡੀਓ ਸਾਂਝੀ ਕੀਤੀ ਗਈ ਹੈ ਜਿਸਦੇ ਵਿੱਚ ਪ੍ਰਦਰਸ਼ਨਕਾਰੀ ਟਰੈਕਸ 'ਤੇ ਖੜੇ ਵਿਖਾਈ ਦਿੰਦੇ ਹਨ ਅਤੇ ਰੇਲ ਦੇ ਉਨ੍ਹਾਂ ਦੇ ਬੇਹਦ ਨੇੜੇ ਪਹੁੰਚਣ 'ਤੇ ਹੀ ਟਰੈਕ ਤੋਂ ਹਟਦੇ ਹਨ।
ਇਸਤੋਂ ਅਲਾਵਾ ਕੁਝ ਲੋਕਾਂ ਨੂੰ ਰੇਲ 'ਤੇ ਕੁਝ ਪਦਾਰਥ ਸਿੱਟਦੇ ਜਾਂ ਰੇਲ ਟਰੈਕ 'ਤੇ ਅੱਗ ਲਗਾਉਂਦੇ ਵੀ ਵੇਖਿਆ ਜਾ ਸਕਦਾ ਹੈ।
ਪ੍ਰਧਾਨ ਮੰਤਰੀ ਨੇ ਵੀਡੀਓਸ ਨੂੰ ਲੈਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਲੋਕਾਂ ਨੂੰ ਆਪਣੇ ਖੁਦ ਦੀ ਜਾਨ ਨੂੰ ਜਾਂ ਕਿਸੇ ਹੋਰ ਦੀ ਜਾਨ ਲਈ ਖਤਰਾ ਨਹੀਂ ਖੜਾ ਕਰਨਾ ਚਾਹੀਦਾ।
ਪਬਲਿਕ ਸੇਫਟੀ ਮੰਤਰੀ ਬਿਲ ਬਲੇਅਰ ਨੇ ਵੀ ਅੱਜ ਅਜਿਹੇ ਹੀ ਬਿਆਨ ਦਿੱਤੇ ਸਨ, ਪਰ ਉਨ੍ਹਾਂ ਕਿਹਾ ਸੀ ਕਿ ਪੁਲਿਸ ਮਾਮਲੇ ਨਾਲ ਨਜਿੱਠ ਰਹੀ ਹੈ।
