25.33C Vancouver 25.33C VancouverMar 30, 2022 10:01 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਆਪਣੇ ਬੀ.ਸੀ. ਦੌਰੇ ਦੌਰਾਨ ਅੱਜ ਵਿਲੀਅਮਸ ਲੇਕ ਫਰਸਟ ਨੇਸ਼ਨ ਪਹੁੰਚੇ।
ਵਿਲੀਅਮਸ ਲੇਕ ਫਰਸਟ ਨੇਸ਼ਨ ਪਹੁੰਚਣ 'ਤੇ ਉਨ੍ਹਾਂ ਕਿਹਾ ਕਿ ਉਹ ਫਰਸਟ ਨੇਸ਼ਨ ਪਹੁੰਚਣ 'ਤੇ ਬਹੁਤਾ ਕੁਝ ਕਹਿਣਾ ਨਹੀਂ ਚਾਹੁੰਦੇ ਬਲਕਿ ਫਰਸਟ ਨੇਸ਼ਨ ਲੋਕਾਂ ਤੋਂ ਸੁਣਨਾ ਅਤੇ ਸਿੱਖਣਾ ਚਾਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਅੱਜ ਉਨ੍ਹਾਂ ਨੂੰ ਮੌਕਾ ਮਿਲਿਆ ਕਿ ਉਹ ਫਰਸਟ ਨੇਸ਼ਨ ਚੀਫ਼ ਨਾਲ ਬੈਠ ਸਕਣ ਅਤੇ ਉਨ੍ਹਾਂ ਦੀਆਂ ਲੋੜਾਂ ਅਤੇ ਗੱਲਾਂ ਬਾਰੇ ਜਾਣ ਸਕਣ।
ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਇਸ ਭਿਆਨਕ ਇਤਿਹਾਸ 'ਚ ਅਸੀਂ ਫਰਸਟ ਨੇਸ਼ਨਸ ਦੇ ਨਾਲ ਖੜੇ ਹਾਂ।
ਉਨ੍ਹਾਂ ਕਿਹਾ ਕਿ ਰੈਜ਼ੀਡੈਂਸ਼ੀਅਲ ਸਕੂਲਾਂ ਦਾ ਇਤਿਹਾਸ ਸਿਰਫ ਫਰਸਟ ਨੇਸ਼ਨਸ ਦਾ ਇਤਿਹਾਸ ਨਹੀਂ ਹੈ ਬਲਕਿ ਇਹ ਕੈਨੇਡਾ ਦਾ ਇਤਿਹਾਸ ਹੈ।
ਟਰੂਡੋ ਨੇ ਕਿਹਾ ਕਿ ਜਦ ਰੈਜ਼ੀਡੈਂਸ਼ੀਅਲ ਸਕੂਲ ਇੰਡੀਜਨਸ ਬੱਚਿਆਂ ਨੂੰ ਸਿਖਾ ਰਹੇ ਸਨ ਕਿ ਉਨ੍ਹਾਂ ਦਾ ਸੱਭਿਆਚਾਰ ਚੰਗਾ ਨਹੀਂ ਹੈ, ਉਸੇ ਮੌਕੇ ਦੇ ਹੋਰ ਸਕੂਲ ਆਮ ਬੱਚਿਆਂ ਨੂੰ ਸਿਖਾ ਰਹੇ ਸਨ ਕਿ ਇੰਡੀਜਨਸ ਮੂਲ ਦੇ ਲੋਕਾਂ ਦਾ ਕੋਈ ਸੱਭਿਆਚਾਰ ਨਹੀਂ ਹੈ।
ਟਰੂਡੋ ਇਸ ਸਭ ਗੱਲਬਾਤ ਦੌਰਾਨ ਕਾਫੀ ਭਾਵੁਕ ਵਿਖਾਈ ਦਿੱਤੇ।
ਇਸ ਮੌਕੇ ਟਰੂਡੋ ਨੇ ਵਿਲੀਅਮਸ ਲੇਕ ਫਰਸਟ ਨੇਸ਼ਨ ਲਈ ਅਨਮਾਰਕਡ ਗ੍ਰੇਵਸ ਸੰਬੰਧੀ ਖੋਜ ਜਾਰੀ ਰੱਖਣ ਲਈ $2.9 ਮਿਲੀਅਨ ਦੀ ਰਾਸ਼ੀ ਦਾ ਐਲਾਨ ਕੀਤਾ।
ਉਨ੍ਹਾਂ ਕਿਹਾ ਕਿ ਅਗਲੇ ਪੜ੍ਹਾਵਾਂ ਅਨੁਸਾਰ ਹੋਰ ਫੰਡਿੰਗ ਵੀ ਦਿੱਤੀ ਜਾਵੇਗੀ।
ਯਾਦ ਰਹੇ ਟਰੂਡੋ ਵੱਲੋਂ ਇਹ ਦੌਰਾ ਉਸ ਸਮੇਂ ਕੀਤਾ ਜਾ ਰਿਹਾ ਹੈ, ਜਦ ਇਲਾਕੇ 'ਚ ਸਥਿਤ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ ਸੇਂਟ ਜੋਸਫਸ ਮਿਸ਼ਨ ਰੈਜ਼ੀਡੈਂਸ਼ੀਅਲ ਸਕੂਲ 'ਚ ਕਰੀਬ 2 ਮਹੀਨੇ ਪਹਿਲਾਂ 93 ਅਨਮਾਰਕਡ ਗ੍ਰੇਵਸ ਸੰਬੰਧੀ ਜਾਣਕਾਰੀ ਉਜਾਗਰ ਹੋਈ ਸੀ।
