15.87C Vancouver 15.87C VancouverFeb 23, 2022 10:03 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਐਮਰਜੈਂਸੀਸ ਐਕਟ ਨੂੰ ਰਿਵੋਕ ਕਰਨ ਦਾ ਐਲਾਨ ਕਰ ਦਿੱਤਾ ਹੈ।
ਟਰੂਡੋ ਨੇ ਇੱਕ ਪ੍ਰੈਸ ਕਾਨਫਰੰਸ ਕਰ ਆਖਿਆ ਹੈ ਕਿ ਸਰਕਾਰ ਨੇ ਐਕਟ ਲਾਗੂ ਕਰਨ ਮੌਕੇ ਸਾਰੀ ਪ੍ਰੀਕਿਰਿਆ ਦੀ ਪਾਲਣਾ ਕੀਤੀ ਹੈ ਅਤੇ ਐਕਟ ਲਾਗੂ ਕਰਨ ਲਈ ਵੋਟ ਵੀ ਹੋ ਚੁੱਕੀ ਹੈ ਜੋ ਐਕਟ ਦੇ ਪੱਖ 'ਚ ਰਹੀ।
ਪ੍ਰਧਾਨ ਮੰਤਰੀ ਨੇ ਆਖਿਆ ਕਿ ਇਸ ਐਕਟ ਨੂੰ ਇਨਵੋਕ ਕਰਦੇ ਹੋਏ 30 ਦਿਨ ਦੀ ਸਮੇਂ-ਸੀਮਾ ਰੱਖੀ ਗਈ ਸੀ।
ਪਰ ਟਰੂਡੋ ਨੇ ਨਾਲ ਹੀ ਆਖਿਆ ਕਿ ਅਸੀਂ ਜਾਣਦੇ ਸੀ ਕਿ ਸਥਿਤੀ 'ਤੇ ਕਾਬੂ ਪਾਉਣ ਦੇ ਨਾਲ ਹੀ ਇਸ ਐਕਟ ਨੂੰ ਹਟਾ ਲਿਆ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੂੰ ਭਰੋਸਾ ਹੈ ਕਿ ਹਾਲ ਦੀ ਘੜੀ ਜੋ ਸਥਿਤੀ ਹੈ ਉਸ 'ਚ ਮੌਜੂਦਾ ਕਨੂੰਨ ਅਤੇ ਬਾਈ-ਲਾਅ ਲੋਕਾਂ ਨੂੰ ਸੁਰੱਖਿਅਤ ਰੱਖਣ ਲਈ ਕਾਫੀ ਹਨ।
ਟਰੂਡੋ ਨੇ ਕਿਹਾ ਕਿ ਇਹ ਫੈਸਲਾ ਸੋਚ-ਸਮਝ ਕੇ ਲਿਆ ਗਿਆ ਹੈ।
ਟਰੂਡੋ ਨੇ ਲੋਕਾਂ ਨੂੰ ਸਾਵਧਾਨ ਕੀਤਾ ਕਿ ਪੁਲਿਸ ਹੁਣ ਵੀ ਗੈਰਕਨੂੰਨੀ ਐਕਟੀਵਿਟੀਸ 'ਤੇ ਸਖਤੀ ਵਰਤੇਗੀ ਅਤੇ ਲੋਕਾਂ ਦੀ ਸੁਰੱਖਿਆ ਨੂੰ ਪੁਖਤਾ ਕੀਤਾ ਜਾਵੇਗਾ।
ਟਰੂਡੋ ਨੇ ਇਹ ਵੀ ਆਖਿਆ ਹੈ ਕਿ ਪਾਰਲੀਅਮੈਂਟੇਰੀਅਨਸ ਦੀ ਇੱਕ ਜਾਇੰਟ ਕਮੇਟੀ ਗਠਿਤ ਕੀਤੀ ਜਾਵੇਗੀ ਜੋ ਜਾਂਚ ਕਰੇਗੀ ਕਿ ਆਖਿਰ ਇਸ ਐਕਟ ਨੂੰ ਲਾਗੂ ਕਰਨ ਦੀ ਲੋੜ ਕਿਉਂ ਪਈ।
ਇਸ ਦੌਰਾਨ ਦੀ ਪੁਲਿਸ ਐਕਟੀਵਿਟੀ 'ਤੇ ਵੀ ਗੌਰ ਕੀਤਾ ਜਾਵੇਗਾ।
ਟਰੂਡੋ ਨੇ ਕਿਹਾ ਕਿ ਯਾਦ ਰੱਖਣ ਦੀ ਲੋੜ ਹੈ ਕਿ ਲੜਾਈ ਵਾਇਰਸ ਦੇ ਨਾਲ ਹੈ ਇੱਕ-ਦੂਜੇ ਨਾਲ ਨਹੀਂ ਹੈ।
