13.14C Vancouver 13.14C VancouverApr 16, 2021 5:39 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ ਸਰਕਾਰ ਵੱਲੋਂ ਕਨੇਡੀਅਨ ਰੈਡ ਕਰੌਸ ਨੂੰ ਔਂਟੈਰੀਓ ਭੇਜਿਆ ਜਾ ਰਿਹਾ ਹੈ।
ਇਸ ਆਸਰੇ ਸੂਬੇ 'ਚ ਮੋਬਾਈਲ ਵੈਕਸੀਨੇਸ਼ਨ ਟੀਮਸ ਸਥਾਪਿਤ ਕੀਤੀਆਂ ਜਾਣਗੀਆਂ।
ਇਸ ਦੇ ਨਾਲ ਹਸਪਤਾਲਾਂ ਅਤੇ ਲੌਂਗ ਟਰਮ ਕੇਅਰ ਹੋਮਸ 'ਚ ਮਦਦ ਪ੍ਰਦਾਨ ਕੀਤੀ ਜਾਵੇਗੀ।
ਟਰੂਡੋ ਨੇ ਅੱਜ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਦੱਸਿਆ ਕਿ ਕੈਨੇਡਾ ਦੇ ਸਾਹਮਣੇ ਇੱਕ ਬੇਹੱਦ ਮੁਸ਼ਕਿਲ ਸਥਿਤੀ ਚੁਣੌਤੀ ਬਣ ਕੇ ਖੜੀ ਹੈ।
ਯਾਦ ਰਹੇ ਅੱਜ ਔਂਟੈਰੀਓ 'ਚ ਕੋਵਿਡ-19 ਦੇ 4,812 ਮਾਮਲੇ ਰਿਪੋਰਟ ਹੋਏ ਹਨ।
ਇਹ ਸੂਬੇ 'ਚ ਰਿਪੋਰਟ ਹੋਇਆ ਇੱਕੋ ਦਿਨ ਦਾ ਵਾਇਰਸ ਸੰਬੰਧੀ ਮਾਮਲਿਆਂ ਦਾ ਸਭ ਤੋਂ ਵੱਡਾ ਵਾਧਾ ਹੈ।
ਸੂਬੇ 'ਚ 25 ਵਾਇਰਸ ਪੀੜਤਾਂ ਦੀ ਮੌਤ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਸੂਬੇ ਦੇ 653 ਲੋਕ ਆਈ.ਸੀ.ਯੂ. 'ਚ ਦਾਖਿਲ ਹਨ ਅਤੇ 400 ਤੋਂ ਵਧੇਰੇ ਪੀੜਤਾਂ ਨੂੰ ਵੈਂਟੀਲੇਟਰ 'ਤੇ ਰੱਖਿਆ ਗਿਆ ਹੈ।
ਇਕੱਲੇ ਟੋਰੌਂਟੋ 'ਚ 1,400 ਤੋਂ ਵਧੇਰੇ ਮਾਮਲੇ ਰਿਪੋਰਟ ਹੋਏ ਹਨ।
