27.21C Vancouver 27.21C VancouverJan 8, 2021 9:30 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੱਕ ਵਾਰ ਫਿਰ ਤੋਂ ਅਮਰੀਕਾ 'ਚ ਕੈਪੀਟਲ 'ਚ ਵਾਪਰੀਆਂ ਘਟਨਾਵਾਂ ਦੀ ਆਲੋਚਨਾ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਕੈਪੀਟਲ ਹਿੱਲ ਦੀਆਂ ਹਿੰਸਕ ਘਟਨਾਵਾਂ ਨੂੰ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਅਤੇ ਹੋਰ ਸਿਆਸਤਦਾਨਾਂ ਨੇ ਪ੍ਰੇਰਿਤ ਕੀਤਾ ਸੀ।
ਔਟਵਾ ਤੋਂ ਗੱਲਬਾਤ ਕਰਦੇ ਹੋਏ ਟਰੂਡੋ ਨੇ ਇਹਨਾਂ ਘਟਨਾਵਾਂ ਨੂੰ "ਲੋਕਤੰਤਰ 'ਤੇ ਹਮਲਾ" ਕਰਾਰ ਦਿੱਤਾ।
ਉਨ੍ਹਾਂ ਕਿਹਾ ਕਿ ਅਜਿਹੀ ਹਿੰਸਾ ਦੀ ਸਮਾਜ 'ਚ ਕੋਈ ਜਗ੍ਹਾ ਨਹੀਂ ਹੈ।
ਟਰੂਡੋ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਇਸ ਮਾਮਲੇ 'ਤੇ ਪ੍ਰੋਵਿੰਸ਼ੀਅਲ ਅਤੇ ਟੈਰੀਟੋਰੀਅਲ ਪ੍ਰੀਮਿਅਰਸ ਦੇ ਨਾਲ ਕੱਲ ਦੀ ਗੱਲਬਾਤ ਦੌਰਾਨ ਚਰਚਾ ਕੀਤੀ ਹੈ।
ਟਰੂਡੋ ਨੇ ਕਿਹਾ ਕਿ ਇਹ ਇੱਕ ਉਪਲਬਧੀ ਹੈ ਕਿ ਅਜਿਹਾ ਪੌਲੀਟੀਕਲ ਸਿਸਟਮ ਬਣਾ ਕੇ ਰੱਖਿਆ ਜਾਵੇ, ਜਿੱਥੇ ਹਾਰਨ ਵਾਲੀ ਪਾਰਟੀ ਸਹੀ ਤਰੀਕੇ ਨਾਲ ਵਿਰੋਧੀ ਪਾਰਟੀ ਨੂੰ ਸੱਤਾ ਸੌਂਪੇ ਅਤੇ ਮਿਲ ਕੇ ਲੋਕਾਂ ਲਈ ਕੰਮ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਕਨੇਡੀਅਨ ਲੋਕ ਤੱਥਾਂ 'ਤੇ ਆਧਾਰਿਤ ਡਿਬੇਟ ਦੇ ਸਮਰਥਕ ਹਨ।
ਟਰੂਡੋ ਨੇ ਕਿਹਾ ਕਿ ਜ਼ਰੂਰੀ ਹੈ ਕਿ ਅਜਿਹੇ ਲੋਕਾਂ ਨੂੰ ਸਹਿਯੋਗ ਨਾ ਕੀਤਾ ਜਾਵੇ ਜੋ ਝੂਠ ਜਾਂ ਨਫਰਤ ਫੈਲਾਉਂਦੇ ਹਨ।
