23.07C Vancouver 23.07C VancouverNov 19, 2020 1:44 AM -
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਲੋਕਾਂ ਨੂੰ ਕਹਿਣਾ ਚਾਹੀਦਾ ਹੈ ਕਿ ਉਹ ਕੋਵਿਡ-19 ਦੀ ਵੈਕਸੀਨ ਉਪਲਬਧ ਹੋਣ ਤੱਕ, ਆਪਣੇ ਸੂਬਿਆਂ ਤੱਕ ਯਾਤਰਾ ਨੂੰ ਸੀਮਤ ਰੱਖਣ।
ਉਨ੍ਹਾਂ ਕਿਹਾ ਕਿ ਉਹ ਫੈਡਰਲ ਸਰਕਾਰ ਤੋਂ ਯਾਤਰਾ ਸੰਬੰਧੀ ਪਬੰਦੀਆਂ ਲਗਾਉਣ ਦੀ ਮੰਗ ਨਹੀਂ ਕਰ ਰਹੇ, ਪਰ ਹੌਰਗਨ ਨੇ ਜ਼ੋਰ ਦਿੱਤਾ ਕਿ ਕੋਵਿਡ-19 ਦੇ ਫੈਲਾਅ ਅਤੇ ਯਾਤਰਾ ਵਿਚਾਲੇ ਦੇ ਕਨੈਕਸ਼ਨ ਨੂੰ ਰਾਸ਼ਟਰੀ ਪੱਧਰ 'ਤੇ ਵਿਚਾਰਨ ਦੀ ਲੋੜ ਹੈ।
ਹੌਰਗਨ ਨੇ ਕਿਹਾ ਕਿ ਉਹ ਇਸ ਪ੍ਰਸਤਾਵ 'ਤੇ ਆਪਣੀ ਪਹਿਲੀ ਮਿਨਿਸਟਰਜ਼ ਬੈਠਕ 'ਚ ਚਰਚਾ ਕਰਨਗੇ।
ਪ੍ਰੀਮਿਅਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਟਰੂਡੋ ਦੇਸ਼ਵਾਸੀਆਂ ਨੂੰ ਸੂਬਿਆਂ ਵਿਚਾਲੇ ਦੀ ਕਿਸੇ ਵੀ ਬੇਲੋੜੀ ਯਾਤਰਾ ਨੂੰ ਬੰਦ ਕਰਨ ਲਈ ਕਹਿਣਗੇ।
